Hungurleika skemmtigarður væntanlegur

Framleiðslufyrirtækið Lionsgate sem framleiðir Hunger Games, Hungerleikja myndirnar, hyggst byggja tvo skemmtigarða í Bandaríkjunum og í Kína, byggða á kvikmyndaseríunni. Garðarnir verða í Atlanta og Macau. Þessu greinir NY Times frá.

Fyrirhugað er einnig að vera með danssýningu byggða á Step Up, auk rússíbana byggða á Divergent kivkmyndunum og Now You See Me. Talið er að tekjur af skemmtigörðunum geti nýst framleiðslufyrirtækinu vel sem velti 2,4 milljörðum dollara, tæpum 300 milljörðum íslenskra króna, á síðasta ári.

Lionsgate hefur aldrei nýtt karakterana sína í skemmtigarða áður. Avatron Smart Park í Atlanta þar sem Hunger Games kvikmyndirnar verða í fyrirrúmi mun líklega opna árið 2019. 

Síðasta Hungurleikjamyndin er væntanleg í lok þessa árs.