Rúnar Pálmason ráðinn upplýsingafulltrúi Landsbankans

Rúnar Pálmason hefur tekið við starfi upplýsingafulltrúa Landsbankans.

Í tilkynningu frá Landsbankanum segir að Rúnar muni starfa innan markaðs- og samskiptadeildar bankans og hafa umsjón með samskiptum við fjölmiðla fyrir hönd bankans.

Rúnar er með BA-gráðu í sagnfræði og stjórnmálafræði frá Háskóla Íslands og MA-gráðu í Evrópufræðum frá Háskólanum í Maastricht í Hollandi. Rúnar var blaðamaður og vaktstjóri á fréttadeild Morgunblaðsins á árunum 2000-2013. Hann hóf störf sem vefritstjóri hjá Landsbankanum í mars 2013.

Staðan var auglýst í október og var Rúnar valinn úr stórum hópi umsækjenda.