Íslenskar kvikmyndir gerðu það gott á árinu Stefán Árni Pálsson skrifar 7. janúar 2015 13:00 Hera Hilmarsdóttir í Vonarstræti vísir Aðsóknartekjur í kvikmyndahúsum árið 2014 voru nokkurn veginn á pari miðað við árið 2013 en aðsókn dróst örlítið saman en þetta kemur fram í tilkynningu frá FRÍSK, Félagi rétthafa í sjónvarps og kvikmyndaiðnaði. Þar kemur fram að árið hafi verið gott fyrir íslenskar kvikmyndir. Aðsóknartekjur voru kr. 1.485.618.475 sem er lækkun upp á 0,4 prósent - eða rúmlega sex milljónir króna, miðað við tekjur á árinu 2013. Gestir kvikmyndahúsa árið 2014 voru 2,3 prósent færri en árið 2013, eða 1.344.569 manns árið 2014 miðað við 1.375.723 á árinu 2013. Þeim sem sækja kvikmyndahús hefur almennt farið fækkandi síðustu ár, en ef til vill má skýra fækkun gesta á síðasta ári með því að HM í knattspyrnu fór fram á árinu, en vegna þess ákváðu bandarísku kvikmyndastúdíóin að gefa út færri stórar myndir en ella síðasta sumar. Meðalverð á bíómiða var um 1.105 kr., sem er innan við tveggja prósenta hækkun frá árinu á undan. Hækkun á meðalverði bíómiða og hlutfallsleg minni breyting á tekjum á móti aðsókn skýrist að miklu leyti af fjölda íslenskra kvikmynda sem frumsýndar voru árið 2014, en íslenskar kvikmyndir eru með hærra miðaverð en erlendar myndir. Einnig dró úr aðsókn á kvikmyndir sem voru sýndar í þrívídd og eru með hærra miðaverð. Meðalverð bíómiða á Íslandi er sambærilegt við meðalverð bíómiða í Bandaríkjunum (áætlað að lágmarki 8,15 bandaríkjadalir á árinu 2014), þrátt fyrir að hér sé einn hæsti virðisaukaskattur á bíómiða í heiminum (var 25,5 prósent 2014). Íslenskar kvikmyndir gerðu það gott á árinu og var tekjuhæsta mynd ársins íslensk. Þrjár íslenskar kvikmyndir röðuðu sér á topp 20 listann yfir tekjuhæstu myndir ársins. Þar er fremst í flokki Vonarstræti sem var tekjuhæsta kvikmynd ársins en hún halaði inn tæpar 70 milljónir króna í tekjur og var jafnframt sú kvikmynd sem hlaut mesta aðsókn með tæpa 48.000 gesti. Þá var kvikmyndin Algjör Sveppi og Gói Bjargar Málunum í 8. sæti með rétt rúmar 37 milljónir króna í tekjur og rúmlega 32.600 manns í aðsókn þegar þetta er ritað, en myndin er enn í sýningu. Afinn hafnaði í 17. sæti með rúmar 22 milljónir króna í tekjur og tæpa 15.000 gesti. Þess má geta að engin íslensk kvikmynd náði inn á topp 20 listann á árinu 2013. Þær níu íslensku kvikmyndir sem sýndar voru á árinu voru með 13,3 prósent af markaðinum í tekjum talið en samtals höluðu íslenskar kvikmyndir inn tæpar 197 milljónir króna á árinu 2014. Hvað aðsókn varðar voru íslenskar myndir með 11 prósent af heildaraðsókn en rúmlega 148.000 gestir sóttu kvikmyndahúsin til að sjá íslenska framleiðslu. Þetta er umtalsvert betra en á árinu 2013 þar sem sjö íslenskar myndir voru einungis með 3,6 prósent af markaðinum í tekjum talið og enn minna í aðsókn. Önnur tekjuhæsta kvikmynd ársins er lokakaflinn um Hobbitann, The Hobbit: The Battle of the Five Armies, sem náði þeim ótrúlega árangri að hala inn yfir 50 milljónir króna og var með rúmlega 40.000 manns í aðsókn á einungis einni viku. Þá afrekaði hún það að vera með stærstu opnunarhelgi sögunnar í íslenskum kvikmyndahúsum, í tekjum talið, eftir frumsýninguna þann 26. desember sl. Sú þriðja vinsælasta, Guardians of the Galaxy, var jafnframt vinsælasta kvikmyndin í Bandaríkjunum á árinu 2014. Hér má sjá listann yfir 20 tekjuhæstu kvikmyndir ársins 2014: Mest lesið Íslandsbanki greiðir 570 milljóna króna sekt Viðskipti innlent „Katrín Olga, þetta er eingöngu hálftími af þínu lífi“ Atvinnulíf Kínverski risinn sem herjar á evrópska neytendur Viðskipti innlent „Hann eyðileggur alltaf alla stemningu um leið og hann kemur“ Atvinnulíf Reynslubolti í hótelrekstri færir sig um set Viðskipti innlent Að gera ekki algeng mistök sem stjórnandi í fyrsta sinn Atvinnulíf Hvetja fólk til að taka verðmerkingum í Hagkaup með fyrirvara Viðskipti innlent „Ég nenni ekki að standa í einhverju veseni“ Atvinnulíf Vilja rannsaka meint samráð með OPEC Viðskipti erlent Nýjum alþjóðaflugvelli á Grænlandi seinkar enn Viðskipti erlent Fleiri fréttir Íslandsbanki greiðir 570 milljóna króna sekt Bein útsending: „Hvað verður í matinn?“ Skrifuðu undir kaup Landsbankans á TM Reynslubolti í hótelrekstri færir sig um set Icelandair tekur skarpa dýfu niður fyrir útboðsgengi Verðbólgan tekur smá kipp upp á við Wise og Þekking orðin eitt Kínverski risinn sem herjar á evrópska neytendur Sögðu upp 82 starfsmönnum Hvetja fólk til að taka verðmerkingum í Hagkaup með fyrirvara Fjölda fólks sagt upp hjá Icelandair Kaldvík skráð á markað Ofgreiddar lífeyrisgreiðslur nærri tvöfölduðust á milli ára Dæla skyrinu af ísvélum á Skálinni Bein útsending: Framtíð EES til umræðu á þrjátíu ára afmæli Sker úr um hvort veitingamaður hafi mátt borga fyrir kókið Allir halda stjörnu og OTO fær viðurkenningu Ætla að bjóða vaxtalaus lán í aðdraganda mánaðamóta Muni gera meiri kröfur til áfengiskaupenda en flestir aðrir Vilja koma fleirum en Kynnisferðum inn í BSÍ Algjör óvissa með Dragon Dim Sum Landsbankinn telur skilmála sína nógu skýra Orðalag þurfi að vera nægilega skýrt fyrir sæmilega upplýstan neytanda Ráðinn markaðsstjóri Bílabúðar Benna Fetar í fótspor forverans og vildi einn lækka vexti Bein útsending: Efnahagsráðstefna í Reykjavík Kaupsamningum fjölgar en mikið ójafnvægi á leigumarkaði Hætta við hlutafjárútboð og skráningu Íslandshótela Hátt verð fæli ferðamanninn frá Íslandi Deilan um boltann fer alla leið í Hæstarétt Sjá meira
Aðsóknartekjur í kvikmyndahúsum árið 2014 voru nokkurn veginn á pari miðað við árið 2013 en aðsókn dróst örlítið saman en þetta kemur fram í tilkynningu frá FRÍSK, Félagi rétthafa í sjónvarps og kvikmyndaiðnaði. Þar kemur fram að árið hafi verið gott fyrir íslenskar kvikmyndir. Aðsóknartekjur voru kr. 1.485.618.475 sem er lækkun upp á 0,4 prósent - eða rúmlega sex milljónir króna, miðað við tekjur á árinu 2013. Gestir kvikmyndahúsa árið 2014 voru 2,3 prósent færri en árið 2013, eða 1.344.569 manns árið 2014 miðað við 1.375.723 á árinu 2013. Þeim sem sækja kvikmyndahús hefur almennt farið fækkandi síðustu ár, en ef til vill má skýra fækkun gesta á síðasta ári með því að HM í knattspyrnu fór fram á árinu, en vegna þess ákváðu bandarísku kvikmyndastúdíóin að gefa út færri stórar myndir en ella síðasta sumar. Meðalverð á bíómiða var um 1.105 kr., sem er innan við tveggja prósenta hækkun frá árinu á undan. Hækkun á meðalverði bíómiða og hlutfallsleg minni breyting á tekjum á móti aðsókn skýrist að miklu leyti af fjölda íslenskra kvikmynda sem frumsýndar voru árið 2014, en íslenskar kvikmyndir eru með hærra miðaverð en erlendar myndir. Einnig dró úr aðsókn á kvikmyndir sem voru sýndar í þrívídd og eru með hærra miðaverð. Meðalverð bíómiða á Íslandi er sambærilegt við meðalverð bíómiða í Bandaríkjunum (áætlað að lágmarki 8,15 bandaríkjadalir á árinu 2014), þrátt fyrir að hér sé einn hæsti virðisaukaskattur á bíómiða í heiminum (var 25,5 prósent 2014). Íslenskar kvikmyndir gerðu það gott á árinu og var tekjuhæsta mynd ársins íslensk. Þrjár íslenskar kvikmyndir röðuðu sér á topp 20 listann yfir tekjuhæstu myndir ársins. Þar er fremst í flokki Vonarstræti sem var tekjuhæsta kvikmynd ársins en hún halaði inn tæpar 70 milljónir króna í tekjur og var jafnframt sú kvikmynd sem hlaut mesta aðsókn með tæpa 48.000 gesti. Þá var kvikmyndin Algjör Sveppi og Gói Bjargar Málunum í 8. sæti með rétt rúmar 37 milljónir króna í tekjur og rúmlega 32.600 manns í aðsókn þegar þetta er ritað, en myndin er enn í sýningu. Afinn hafnaði í 17. sæti með rúmar 22 milljónir króna í tekjur og tæpa 15.000 gesti. Þess má geta að engin íslensk kvikmynd náði inn á topp 20 listann á árinu 2013. Þær níu íslensku kvikmyndir sem sýndar voru á árinu voru með 13,3 prósent af markaðinum í tekjum talið en samtals höluðu íslenskar kvikmyndir inn tæpar 197 milljónir króna á árinu 2014. Hvað aðsókn varðar voru íslenskar myndir með 11 prósent af heildaraðsókn en rúmlega 148.000 gestir sóttu kvikmyndahúsin til að sjá íslenska framleiðslu. Þetta er umtalsvert betra en á árinu 2013 þar sem sjö íslenskar myndir voru einungis með 3,6 prósent af markaðinum í tekjum talið og enn minna í aðsókn. Önnur tekjuhæsta kvikmynd ársins er lokakaflinn um Hobbitann, The Hobbit: The Battle of the Five Armies, sem náði þeim ótrúlega árangri að hala inn yfir 50 milljónir króna og var með rúmlega 40.000 manns í aðsókn á einungis einni viku. Þá afrekaði hún það að vera með stærstu opnunarhelgi sögunnar í íslenskum kvikmyndahúsum, í tekjum talið, eftir frumsýninguna þann 26. desember sl. Sú þriðja vinsælasta, Guardians of the Galaxy, var jafnframt vinsælasta kvikmyndin í Bandaríkjunum á árinu 2014. Hér má sjá listann yfir 20 tekjuhæstu kvikmyndir ársins 2014:
Mest lesið Íslandsbanki greiðir 570 milljóna króna sekt Viðskipti innlent „Katrín Olga, þetta er eingöngu hálftími af þínu lífi“ Atvinnulíf Kínverski risinn sem herjar á evrópska neytendur Viðskipti innlent „Hann eyðileggur alltaf alla stemningu um leið og hann kemur“ Atvinnulíf Reynslubolti í hótelrekstri færir sig um set Viðskipti innlent Að gera ekki algeng mistök sem stjórnandi í fyrsta sinn Atvinnulíf Hvetja fólk til að taka verðmerkingum í Hagkaup með fyrirvara Viðskipti innlent „Ég nenni ekki að standa í einhverju veseni“ Atvinnulíf Vilja rannsaka meint samráð með OPEC Viðskipti erlent Nýjum alþjóðaflugvelli á Grænlandi seinkar enn Viðskipti erlent Fleiri fréttir Íslandsbanki greiðir 570 milljóna króna sekt Bein útsending: „Hvað verður í matinn?“ Skrifuðu undir kaup Landsbankans á TM Reynslubolti í hótelrekstri færir sig um set Icelandair tekur skarpa dýfu niður fyrir útboðsgengi Verðbólgan tekur smá kipp upp á við Wise og Þekking orðin eitt Kínverski risinn sem herjar á evrópska neytendur Sögðu upp 82 starfsmönnum Hvetja fólk til að taka verðmerkingum í Hagkaup með fyrirvara Fjölda fólks sagt upp hjá Icelandair Kaldvík skráð á markað Ofgreiddar lífeyrisgreiðslur nærri tvöfölduðust á milli ára Dæla skyrinu af ísvélum á Skálinni Bein útsending: Framtíð EES til umræðu á þrjátíu ára afmæli Sker úr um hvort veitingamaður hafi mátt borga fyrir kókið Allir halda stjörnu og OTO fær viðurkenningu Ætla að bjóða vaxtalaus lán í aðdraganda mánaðamóta Muni gera meiri kröfur til áfengiskaupenda en flestir aðrir Vilja koma fleirum en Kynnisferðum inn í BSÍ Algjör óvissa með Dragon Dim Sum Landsbankinn telur skilmála sína nógu skýra Orðalag þurfi að vera nægilega skýrt fyrir sæmilega upplýstan neytanda Ráðinn markaðsstjóri Bílabúðar Benna Fetar í fótspor forverans og vildi einn lækka vexti Bein útsending: Efnahagsráðstefna í Reykjavík Kaupsamningum fjölgar en mikið ójafnvægi á leigumarkaði Hætta við hlutafjárútboð og skráningu Íslandshótela Hátt verð fæli ferðamanninn frá Íslandi Deilan um boltann fer alla leið í Hæstarétt Sjá meira