Íslenska rappið í blóma Kjartan Atli Kjartansson skrifar 7. júlí 2015 09:28 Íslensk rappmenning er í miklum vexti. Um þá staðreynd verður ekki deilt. Sjálfur tók ég þátt í rappbylgjunni sem tröllreið íslensku tónlistarlífi skömmu eftir aldamót. Því þykir mér sérstaklega gaman að sjá unga menn og konur taka listformið í nýjar hæðir. Fara með það í nýjar áttir og auðga íslenskt menningarlíf. Hér áður fyrr varð maður fyrir skotum frá ákveðnum týpum sem vildu gera lítið úr rappinu. Töldu rappmenninguna snúast um að herma eftir því sem væri að gerast í Bandaríkjunum. Að sjálfsögðu urðu íslenskir rapparar fyrir áhrifum frá stærstu stjörnum stefnunnar. En í dag hefur íslenska rappmenningin þróast á sinn eigin hátt og varpar oft ljósi á kima samfélagsins sem fáir þekkja og skilja. Ef ég væri beðinn um að lýsa íslenskri rappmenningu í örfáum orðum myndi ég vitna í texta rapparans Arnars Freys Frostasonar, rappara í sveitinni Úlfur Úlfur: „„Self made“ braskari með ættir að rekja til bænda/ „beilaði“ því „homie“ ég var fæddur til að „grænda“.“ Setningin fangar svo margt og stendur svo falleg með enskuslettunum. Nánast dulkóðuð og gerir ráð fyrir ákveðnum lágmarksskilningi á dægurmenningu og ensku. Það fallega við menninguna er að hún er í stöðugri þróun. Hún endurspeglar mannlífið hverju sinni. Ég er því viss um að mannfræðingar framtíðarinnar munu skoða rappmenninguna um allan heim gaumgæfilega og komast að ýmsu sem ekki væri hægt að læra annars staðar. Rappformið er nefnilega tiltölulega einfalt. Tónlistin er oftast samin í tölvu og auðveldar það alla vinnslu við lögin. Þannig geta rapparar gefið út mikið af efni án þess að kosta miklu til. Þetta gefur öllum rödd, sem eykur á fegurð listformsins. Vonandi mun rappið fá þann sess sem það á skilið í íslensku tónlistarlífi og fá sinn eigin flokk á stærstu verðlaunahátíðum landsins. Það er í raun löngu tímabært, því margir af vinsælustu tónlistarmönnum landsins eru rapparar. Viltu birta grein á Vísi? Sendu okkur póst. Senda grein Kjartan Atli Kjartansson Mest lesið Heiðmörk: Gaddavír og girðingar Auður Kjartansdóttir Skoðun Tuttugu ár af röddum sem áður voru þaggaðar, og framtíðin er okkar Guðmundur Ingi Þóroddsson Skoðun Halldór 24.05.2025 Halldór Hamas og átökin við Ísrael – hvað er ekki sagt upphátt? Einar G Harðarson Skoðun #blessmeta - önnur grein Guðrún Hrefna Guðmundsdóttir Skoðun Stéttarkerfi Halldóra Lillý Jóhannsdóttir Skoðun Daði Már týnir sjálfum sér Heiðrún Lind Marteinsdóttir Skoðun Matvælaverð hefur nær þrefaldast frá stofnun Viðskiptaráðs! Sigríður Ingibjörg Ingadóttir Skoðun Er sanngjarnt að hækka virðisaukaskatt á mat og gistingu til að láta erlenda ferðamenn borga meira? Þórir Garðarsson Skoðun Konum í afplánun fjölgar: Með flókin áföll á bakinu Tinna Eyberg Örlygsdóttir,Sigríður Ella Jónsdóttir Skoðun
Íslensk rappmenning er í miklum vexti. Um þá staðreynd verður ekki deilt. Sjálfur tók ég þátt í rappbylgjunni sem tröllreið íslensku tónlistarlífi skömmu eftir aldamót. Því þykir mér sérstaklega gaman að sjá unga menn og konur taka listformið í nýjar hæðir. Fara með það í nýjar áttir og auðga íslenskt menningarlíf. Hér áður fyrr varð maður fyrir skotum frá ákveðnum týpum sem vildu gera lítið úr rappinu. Töldu rappmenninguna snúast um að herma eftir því sem væri að gerast í Bandaríkjunum. Að sjálfsögðu urðu íslenskir rapparar fyrir áhrifum frá stærstu stjörnum stefnunnar. En í dag hefur íslenska rappmenningin þróast á sinn eigin hátt og varpar oft ljósi á kima samfélagsins sem fáir þekkja og skilja. Ef ég væri beðinn um að lýsa íslenskri rappmenningu í örfáum orðum myndi ég vitna í texta rapparans Arnars Freys Frostasonar, rappara í sveitinni Úlfur Úlfur: „„Self made“ braskari með ættir að rekja til bænda/ „beilaði“ því „homie“ ég var fæddur til að „grænda“.“ Setningin fangar svo margt og stendur svo falleg með enskuslettunum. Nánast dulkóðuð og gerir ráð fyrir ákveðnum lágmarksskilningi á dægurmenningu og ensku. Það fallega við menninguna er að hún er í stöðugri þróun. Hún endurspeglar mannlífið hverju sinni. Ég er því viss um að mannfræðingar framtíðarinnar munu skoða rappmenninguna um allan heim gaumgæfilega og komast að ýmsu sem ekki væri hægt að læra annars staðar. Rappformið er nefnilega tiltölulega einfalt. Tónlistin er oftast samin í tölvu og auðveldar það alla vinnslu við lögin. Þannig geta rapparar gefið út mikið af efni án þess að kosta miklu til. Þetta gefur öllum rödd, sem eykur á fegurð listformsins. Vonandi mun rappið fá þann sess sem það á skilið í íslensku tónlistarlífi og fá sinn eigin flokk á stærstu verðlaunahátíðum landsins. Það er í raun löngu tímabært, því margir af vinsælustu tónlistarmönnum landsins eru rapparar.
Matvælaverð hefur nær þrefaldast frá stofnun Viðskiptaráðs! Sigríður Ingibjörg Ingadóttir Skoðun
Er sanngjarnt að hækka virðisaukaskatt á mat og gistingu til að láta erlenda ferðamenn borga meira? Þórir Garðarsson Skoðun
Konum í afplánun fjölgar: Með flókin áföll á bakinu Tinna Eyberg Örlygsdóttir,Sigríður Ella Jónsdóttir Skoðun
Matvælaverð hefur nær þrefaldast frá stofnun Viðskiptaráðs! Sigríður Ingibjörg Ingadóttir Skoðun
Er sanngjarnt að hækka virðisaukaskatt á mat og gistingu til að láta erlenda ferðamenn borga meira? Þórir Garðarsson Skoðun
Konum í afplánun fjölgar: Með flókin áföll á bakinu Tinna Eyberg Örlygsdóttir,Sigríður Ella Jónsdóttir Skoðun