3,5 prósent atvinnuleysi í nóvember

Atvinnuleysi í nóvember mældist 3,5 prósent samkvæmt Vinnumarkaðsrannsókn Hagstofu Íslands og sýnir samanburður við atvinnuleysi í nóvember 2014 aukningu um 0,4 prósentustig en þá mældist atvinnuleysi 3,1 prósent.

Að jafnaði voru 194.900 manns á aldrinum 16-74 ára á vinnumarkaði í nóvember síðastliðnum en það jafngildir 83,2 prósent atvinnuþátttöku.

Af þeim voru 188.100 starfandi, eða 80,3 prósent. Samanburður á milli ára sýnir að atvinnuþátttaka jókst um 2,4 prósentustig og hlutfall starfandi fólks jókst um tvö prósentustig.