Framkvæmdir við fimm stjörnu hótel við Hörpu hefjast í haust

Stefnt er að því að framkvæmdir við byggingu fimm stjörnu hótels við hlið Hörpu munu hefjast í haust en hótelið á að opna vorið 2018.

Hótelið mun rúma 250 herbergi en auk þess verða veislu- og fundarsalir í hótelinu auk fjölda veitingastaða og heilsulindar. Bandaríska fasteignafélagið Carpenter & Company mun sjá um byggingu hótelsins en í kjölfarið fela leiðandi alþjóðlegri hótelkeðju rekstur hótelsins. Samningar um slíkt eru á lokastigi og mun fljótlega verða tilkynnt um niðurstöðu þess ferlis samkvæmt tilkynningu frá Reykjavíkurborg.

Carpenter & Company keypti byggingaréttinn af svæðinu nýlega af Kolufell  ehf. Kolufell mun áfram þróa íbúða-  og verslunarbyggð á suðurhluta lóðarinnar. Arion banki vinnur að skipulagi fjármögnunar hótelbyggingarinnar.