Tvenn verðlaun til Íslands í liggjandi riffli

Ísland vann tvenn verðlaun í skotfimi á Smáþjóðaleikunum í dag en keppt var í 60 skotum liggjandi (enskum) riffli. Eric Lanza frá Mónakó bar sigur úr býtum en Jón Þór Sigurðsson varð annar og Guðmundur Helgi Christensen þriðji.

Jón Þór komst í lokaúrslitin gegn Lanza en endaði einungis einu og hálfu stigi á eftir Lanza.

Keppni færðist frá Íþrótthúsi fatlaðra á skotvöll Skotfélags Reykjavíkur á Álfsnesi þar sem keppt var utandyra í dag.

Síðasti keppnisdagur skotíþróttanna er á morgun en þá verður keppt í Skeet á Álfsnesi.