Heiðar Már Guðjónsson fjárfestir hefur farið fram á að gjaldþrotaskiptum yfir slitabúi Kaupþings ljúki. Fjárfestingafélag Heiðars, Ursus ehf, lagði fram kröfuna fyrir Héraðsdóm Reykjavíkur en málið verður tekið fyrir þann 10. júní næstkomandi samkvæmt því sem fram kemur á vef slitastjórnarinnar. Krafa Ursus í slitabúið nemur 1,9 milljónum króna.
Slitastjórnin telur að meirihluti kröfuhafa vilji ljúka skiptum búsins með nauðasamningum en ekki fara gjaldþrotaleiðina.
„Það er svo langt um liðið frá því að þessi bú voru tekin til slitameðferðar. Það er ótrúlegt að þetta skuli ekki hafa komið inn á borð dómstóla fyrr. Ég var í nokkur ár að leita að kröfum, fann þær loksins og ákvað að gera þetta,“ segir Heiðar í samtali við Viðskiptablaðið í dag.
Heiðar Már hefur áður farið fram á gjaldþrotaskiptum á Glitni en krafa hans í var greidd upp að fullu í maí, skömmu áður en taka átti málið fyrir hjá Héraðsdómi Reykjavíkur. Því var gjaldþrotakrafan ekki tekin fyrir.
Heiðar Már fer fram á gjaldþrotaskipti á Kaupþingi
Tengdar fréttir
Höfðar nýtt mál gegn Seðlabanka og fer fram á 1,9 milljarða
Ursus ehf., félag Heiðars Más Guðjónssonar, hefur höfðað nýtt mál á hendur Seðlabankanum og Eignasafni Seðlabankans vegna söluferlisins á Sjóvá með hærri fjárkröfu. Fyrra mál hefur verið fellt niður.
Fékk kröfuna sína í Glitni greidda að fullu
Heiðar Guðjónsson fjárfestir segir erlenda kröfuhafa föllnu bankanna reyna allt sem þeir geta til að koma í veg fyrir gjaldþrotaskipti slitabúanna.
