Bensínverð niður fyrir 200 krónur hjá Orkunni

Orkan hefur, fyrst olíufélaganna, lækkað lítraverð á 95 oktana bensíni niður fyrir 200 krónur. Þetta kemur fram í tilkynningu frá félaginu sem segir lækkunin nemur 3 krónum og fer því lítrinn úr 202,50 krónum í  199,50 krónur.

Segir fyrirtækið þetta vera í fyrsta sinn sem lítraverð á bensíni fer niður fyrir 200 krónur síðan í janúar á þessu ári.  Kemur lækkunin til vegna lækkunar á heimsmarkaðsverði á bensíni og styrkingu krónunnar en hún hefur styrkst gagnvart dollar um tæp 5 prósent síðastliðinn mánuð.