Sænska bloggdrottningin hættir

Einn vinsælasti tískubloggari í heimi, hin sænska Elin Kling tilkynnti á síðu sinni The Wall á dögunum að hún væri hætt. 

Kling er ein af fyrstu tískubloggurunum í heimi og tókst á stuttum tíma að skapa sér nafn innan tískuheimsins sem einn af flaggberum skandinavískarar tísku. Hún var til að mynda fyrsti bloggarinn til að hanna línu fyrir sænska verslanarisann H&M sem aðeins var seld í heimalandinu og seldist upp á methraða. 

Í kjölfarið fluttist hún til New York þar sem hún breytti bloggsíðu sinni í tískufréttaveituna The Wall og stofnaði fatamerkið Totéme ásamt eiginmanni sínum. Einnig er Kling listrænn stjórnandi hjá sænska tímaritinu Styleby.

Kling á nú von á sínu fyrsta barni en hún er hvergi nærri hætt að setja sitt mark á tískuheiminn en hún verður einn af ráðgjöfum The Net Set, samfélagsmiðill sem einblínir á tísku, sem Net-a-Porter hefur sett á laggirnar. Við hlökkum til að fylgjast með því!

 

 

Excited to be one of the Style Concils for @TheNetSet Join me for everyday shopping-inspiration! #TheNetSet @netaporter

A photo posted by Elin Kling (@elinkling) on Jun 18, 2015 at 8:31am PDT

Fylgstu með Glamour á Facebook og Instagram.