„Svona lítil börn eiga ekkert að fá popp eða hnetur" Stefán Ó. Jónsson skrifar 1. ágúst 2015 23:00 Hinn fjórtán mánaða gamli Böðvar Goði eftir aðgerðina á mánudag. Mynd/dagný Pétursdóttir „Hann er mjög fljótur að verða blár og stendur bara algjörlega á öndinni. Verður alveg skjannahvítur og fær bláar varir,“ segir Dagný Pétursdóttir, móðir hins 14 mánaða gamla Böðvars Goða sem var milli heims og helju á mánudag þegar poppbaun hrökk ofan í hann og sat sem tappi í hægra lunga hans. Var það til þess að bruna þurfti með drenginn á Landsspítalann í Reykjavík og aksturinn frá Borgarnesi hefði vart mátt vera lengri. Að sögn Dagnýjar brugðust þau foreldrar hans strax við um leið og grunur lék á að eitthvað hafi hrokkið ofan í hann og börðu á milli herðablaða hans. Hann hafi skömmu síðar tekið eðlilegan lit á ný og lagst til hvílu. „En eftir um klukkutíma vaknar hann, alveg friðlaus og byrjar fljótlega að hvítna aftur.“ Talið er að Böðvar hafi dregið andann að sér um leið og baunin er að fara niður hálsinn á honum með þeim afleiðingum að hún fer „vitlausa leið“ og þá sest hún ofan í hægri lungnapípuna að sögn Dagnýjar. Það hafi takmarkað gríðarlega súrefnisflæðið til lungans og segir hún að súrefnismettun Böðvars hafi verið komin niður í 20 prósent þegar á Barnaspítala Hringsins var komið. Dagný segir að erfiðlega hafi gengið að ná súrefnismettuninni upp, þrátt fyrir að Böðvari hafi verið gefið súrefni. Að lokum hafi þurft að sjúga baunina upp í gegnum kok drengsins.Ef að hluturinn kemst í kokhólk þá er hann hættulegur börnum.Mynd/neytendstofaDagný segist ekki hafa haft hugmynd um að baunir sem þessar gætu haft slík áhrif. Því vilji hún endilega miðla reynslu sinni til annarra. „Ég hef komist að því að þetta getur víst komið fyrir með svona baunir, sem og hnetur, en þetta er blessunarlega sjaldgæft,“ segir Dagný. Þó svo að baunirnar séu litlar og hafi takmörkuð áhrif á súrefnisflæðið einar og sér séu líka bólgurnar sem myndast í kringum aðskotahluti sem spili stóra rullu. Þó svo að Dagný hafi passað vel upp á poppið sem Böðvar hafi fengið, hafi til að mynda alltaf tekið það í tvennt svo að það væri nú örugglega ekki of stórt fyrir litla munninn, geta slysin alltaf gerst. Hún hafi rétt tekið augun af poppskálinni þegar Böðvar nældi sér í baunina. Ungum börnum gefið popp á öskudaginn Dagný segist vona að saga sín geti orðið öðrum víti til varnaðar. „Þegar börnin eru svona lítil þá eiga þau helst ekkert að vera að fá popp eða hnetur. Maður hefur reitt sig á kokhólk til að mæla stærð hluta sem börnin setja upp í sig og baun flýgur þar í gegn þannig að maður hafði bara alltaf trúað því að hún myndi skila sér eðlilega niður. Pínkulítið dót getur greinilega fests svona rækilega.“ Hún viti til þess að víða sé popp bannað á leikskólum en bendir á að ýmis fyrirtæki hafi boðið litlum börnum poppkorn á Öskudaginn í skiptum fyrir söng. Dagný vonar að það verði tekið til endurskoðunar. „Maður er líka fastur í því að þegar hrekkur ofan í börn eða þau kafna eins og í þessu tilviki að það sé allt í lagi með þau þegar öndunin er komin. Hann var byrjaður að anda og hjala og við héldum að hann myndi bara jafna sig á smá tíma. Því getur verið gott að ganga alveg úr skugga um að það sé ekkert ennþá fast þegar svona kemur fyrir,“ segir Dagný Pétursdóttir. Mest lesið Myndir: Allt á floti í Kringlunni Innlent Umfangsmikið mengunarslys vegna rútuslyssins Innlent „Sumar búðir hafa sloppið vel, aðrar ekki“ Innlent Náði ekki að loka búðinni áður en henni var sagt að koma sér út Innlent „Við munum ekkert hreyfa okkur í sumar“ Innlent Leiðinlegt fyrir útskriftarnema sem er hent út áður en þeir taka sopa Innlent Konungsskip Dana í Reykjavík Innlent Sigurður Ingi ekki búinn að undirrita Isavia-samning Innlent Sumarveður fyrir sunnan en annars staðar skýjað Veður Harma banaslysið og hafa uppfært verkferla Innlent Fleiri fréttir Myndir: Allt á floti í Kringlunni Umfangsmikið mengunarslys vegna rútuslyssins Konungsskip Dana í Reykjavík „Sumar búðir hafa sloppið vel, aðrar ekki“ Safnað fyrir gróðurskála á Kirkjubæjarklaustri „Við munum ekkert hreyfa okkur í sumar“ Flókið verkefni og mikið tjón í Kringlunni Leiðinlegt fyrir útskriftarnema sem er hent út áður en þeir taka sopa Eldur í Kringlunni og Kristján Loftsson um hvalveiðileyfið Náði ekki að loka búðinni áður en henni var sagt að koma sér út Héldu fyrst að þetta væri brunaæfing Sigurður Ingi ekki búinn að undirrita Isavia-samning Eldur logar í þaki Kringlunnar Björgunarsveit kölluð út í Þórsmörk Áhyggjur af vanda drengja í menntakerfinu óþarfar Þyrlan kölluð út vegna reiðslyss Kjósendur Jóns Gnarr líklegastir til að vera ósáttir með Höllu Vilja banna hvalveiðar með lögum Áttatíu prósent af plasti í fjörum landsins kemur frá útlöndum Efast um að ráðherrar nái fram markmiði sínu Tveimur haldið sofandi vegna slyssins Rútuslys í Öxnadal og meintar rangfærslur ráðherra Guðni snýr aftur í sagnfræðina Leita að nýju húsnæði fyrir kaffistofu Samhjálpar Öxnadalsheiði opin á ný Harma banaslysið og hafa uppfært verkferla Bein útsending: Brautskráningar Háskóla Íslands Svandís og Sigurður Ingi sögð bakka upp bílastæðagjöldin Of snemmt að kenna bikblæðingum um Átök á lokametrunum: Saka ríkisstjórn um að „slátra“ samgönguáætlun Sjá meira
„Hann er mjög fljótur að verða blár og stendur bara algjörlega á öndinni. Verður alveg skjannahvítur og fær bláar varir,“ segir Dagný Pétursdóttir, móðir hins 14 mánaða gamla Böðvars Goða sem var milli heims og helju á mánudag þegar poppbaun hrökk ofan í hann og sat sem tappi í hægra lunga hans. Var það til þess að bruna þurfti með drenginn á Landsspítalann í Reykjavík og aksturinn frá Borgarnesi hefði vart mátt vera lengri. Að sögn Dagnýjar brugðust þau foreldrar hans strax við um leið og grunur lék á að eitthvað hafi hrokkið ofan í hann og börðu á milli herðablaða hans. Hann hafi skömmu síðar tekið eðlilegan lit á ný og lagst til hvílu. „En eftir um klukkutíma vaknar hann, alveg friðlaus og byrjar fljótlega að hvítna aftur.“ Talið er að Böðvar hafi dregið andann að sér um leið og baunin er að fara niður hálsinn á honum með þeim afleiðingum að hún fer „vitlausa leið“ og þá sest hún ofan í hægri lungnapípuna að sögn Dagnýjar. Það hafi takmarkað gríðarlega súrefnisflæðið til lungans og segir hún að súrefnismettun Böðvars hafi verið komin niður í 20 prósent þegar á Barnaspítala Hringsins var komið. Dagný segir að erfiðlega hafi gengið að ná súrefnismettuninni upp, þrátt fyrir að Böðvari hafi verið gefið súrefni. Að lokum hafi þurft að sjúga baunina upp í gegnum kok drengsins.Ef að hluturinn kemst í kokhólk þá er hann hættulegur börnum.Mynd/neytendstofaDagný segist ekki hafa haft hugmynd um að baunir sem þessar gætu haft slík áhrif. Því vilji hún endilega miðla reynslu sinni til annarra. „Ég hef komist að því að þetta getur víst komið fyrir með svona baunir, sem og hnetur, en þetta er blessunarlega sjaldgæft,“ segir Dagný. Þó svo að baunirnar séu litlar og hafi takmörkuð áhrif á súrefnisflæðið einar og sér séu líka bólgurnar sem myndast í kringum aðskotahluti sem spili stóra rullu. Þó svo að Dagný hafi passað vel upp á poppið sem Böðvar hafi fengið, hafi til að mynda alltaf tekið það í tvennt svo að það væri nú örugglega ekki of stórt fyrir litla munninn, geta slysin alltaf gerst. Hún hafi rétt tekið augun af poppskálinni þegar Böðvar nældi sér í baunina. Ungum börnum gefið popp á öskudaginn Dagný segist vona að saga sín geti orðið öðrum víti til varnaðar. „Þegar börnin eru svona lítil þá eiga þau helst ekkert að vera að fá popp eða hnetur. Maður hefur reitt sig á kokhólk til að mæla stærð hluta sem börnin setja upp í sig og baun flýgur þar í gegn þannig að maður hafði bara alltaf trúað því að hún myndi skila sér eðlilega niður. Pínkulítið dót getur greinilega fests svona rækilega.“ Hún viti til þess að víða sé popp bannað á leikskólum en bendir á að ýmis fyrirtæki hafi boðið litlum börnum poppkorn á Öskudaginn í skiptum fyrir söng. Dagný vonar að það verði tekið til endurskoðunar. „Maður er líka fastur í því að þegar hrekkur ofan í börn eða þau kafna eins og í þessu tilviki að það sé allt í lagi með þau þegar öndunin er komin. Hann var byrjaður að anda og hjala og við héldum að hann myndi bara jafna sig á smá tíma. Því getur verið gott að ganga alveg úr skugga um að það sé ekkert ennþá fast þegar svona kemur fyrir,“ segir Dagný Pétursdóttir.
Mest lesið Myndir: Allt á floti í Kringlunni Innlent Umfangsmikið mengunarslys vegna rútuslyssins Innlent „Sumar búðir hafa sloppið vel, aðrar ekki“ Innlent Náði ekki að loka búðinni áður en henni var sagt að koma sér út Innlent „Við munum ekkert hreyfa okkur í sumar“ Innlent Leiðinlegt fyrir útskriftarnema sem er hent út áður en þeir taka sopa Innlent Konungsskip Dana í Reykjavík Innlent Sigurður Ingi ekki búinn að undirrita Isavia-samning Innlent Sumarveður fyrir sunnan en annars staðar skýjað Veður Harma banaslysið og hafa uppfært verkferla Innlent Fleiri fréttir Myndir: Allt á floti í Kringlunni Umfangsmikið mengunarslys vegna rútuslyssins Konungsskip Dana í Reykjavík „Sumar búðir hafa sloppið vel, aðrar ekki“ Safnað fyrir gróðurskála á Kirkjubæjarklaustri „Við munum ekkert hreyfa okkur í sumar“ Flókið verkefni og mikið tjón í Kringlunni Leiðinlegt fyrir útskriftarnema sem er hent út áður en þeir taka sopa Eldur í Kringlunni og Kristján Loftsson um hvalveiðileyfið Náði ekki að loka búðinni áður en henni var sagt að koma sér út Héldu fyrst að þetta væri brunaæfing Sigurður Ingi ekki búinn að undirrita Isavia-samning Eldur logar í þaki Kringlunnar Björgunarsveit kölluð út í Þórsmörk Áhyggjur af vanda drengja í menntakerfinu óþarfar Þyrlan kölluð út vegna reiðslyss Kjósendur Jóns Gnarr líklegastir til að vera ósáttir með Höllu Vilja banna hvalveiðar með lögum Áttatíu prósent af plasti í fjörum landsins kemur frá útlöndum Efast um að ráðherrar nái fram markmiði sínu Tveimur haldið sofandi vegna slyssins Rútuslys í Öxnadal og meintar rangfærslur ráðherra Guðni snýr aftur í sagnfræðina Leita að nýju húsnæði fyrir kaffistofu Samhjálpar Öxnadalsheiði opin á ný Harma banaslysið og hafa uppfært verkferla Bein útsending: Brautskráningar Háskóla Íslands Svandís og Sigurður Ingi sögð bakka upp bílastæðagjöldin Of snemmt að kenna bikblæðingum um Átök á lokametrunum: Saka ríkisstjórn um að „slátra“ samgönguáætlun Sjá meira