Kröfuhafar LBI samþykkja nauðasamning

Kröfuhafar LBI (gamla Landsbankans) samþykktu frumvarp að nauðasamningi með um það bil 99,7 prósentum atkvæða á kröfuhafafundi á Hótel Hilton Nordica í dag. Greidd voru atkvæði eftir fjárhæð fyrir 96,67% heildarkrafna í atkvæðisskrá.

Í tilkynningu á vef LBI segir að í samræmi við þessa niðurstöðu muni slitastjórn leggja fram kröfu til Héraðsdóms Reykjavíkur um staðfestingu nauðasamningsins.

Kröfuhafar Glitnis samþykktu nauðasamning síðastliðinn föstudag og kröfuhafar Kaupþings taka afstöðu til nauðasamnings síðar í mánuðinum.