Skjálftavirkni í Bárðarbungu, Tungnafellsjökli, Herðubreið og á Torfajökulssvæðinu

Frá því í gærmorgun hafa mælst um 40 jarðskjálftar í Bárðarbungu. Stærsti skjálftinn þar

mældist 4,5 að stærð kl. 17:38 í gær og átti hann upptök við norðurjaðar öskjunnar.

Alls mældust fimm jarðskjálftar á stærðarbilinu 4 til 4,5 í Bárðarbungu. Um 15 skjálftar voru í kvikuganginum, allir minni en 2 að stærð. Lítil skjálftavirkni var við Tungnafellsjökul og Herðubreið.

Í morgun hefur einnig verið í gangi skjálftahrina á Torfajökulssvæðinu, um 2-3 km vestur af

Landmannalaugum. Stærsti skjálftinn sem hefur mælst var 2,5 að stærð kl. 10:28.

Tæplega 15 jarðskjálftar hafa mælst í hrinunni. Skjálftarnir eru á litlu dýpi og tengjast líklega

jarðhitavirkni á svæðinu.