Kosning hafin í Side9 Pige keppninni

Kosning er nú hafin í Side9 Pige ársins 2014, keppninni hjá Ekstrabladet í Danmörku. Þar keppir Íslendingurinn Rakel Ósk, sem valin var ungfrú nóvember, við ellefu aðrar konur um hylli lesenda.

Kosningin fer fram hér á heimasíðu Ekstrabladet, en þar má sjá kynningarmyndbönd fyrir allar konurnar. Kosningunni líkur á sunnudaginn, en þá verður aftur keppt á milli þeirra fimm efstu.

Sjá einnig: Rakel Ósk - Ber að ofan í Ekstra Bladet, var valin ungfrú nóvember

Fyrr í vikunni sagði Rakel í samtali við Vísi að hún hefði tekið þátt eftir að ljósmyndari CoverModel.dk hafi hvatt sig til að fara í keppnina.

„Hingað til hef ég setið fyrir á því sem kallast "art-nudes" eða listrænar nektarljósmyndir. Að vera ber að ofan á blaðsíðu 9 er ekki mikið flóknara en maður fær talsvert meiri athygli. Ég hafði líka misst nokkur kíló og var bara frekar ánægð með mig svo ég sló bara til.“