Hafa krafist þess að Valitor verði tekið til gjaldþrotaskipta Þorbjörn Þórðarson skrifar 16. janúar 2015 18:45 Tvö fyrirtæki sem önnuðust söfnun styrktarfjár fyrir Wikileaks hafa krafist þess að Valitor, útgefandi VISA á Íslandi, verði tekið til gjaldþrotaskipta vegna ógreiddrar skaðabótakröfu sem er rúmlega 10 milljarðar króna með vöxtum. Forsögu málsins má rekja til október 2010 þegar gengið var frá samningi um að fyrirtækið DataCell myndi sjá um rekstur greiðslugáttar fyrir Sunshine Press Production, rekstraraðila uppljóstrunarsíðunnar Wikileaks, til að taka á móti styrktargreiðslum frá velunnurum Wikileaks. Valitor lokaði greiðslugáttinni 8. júlí 2011 án fyrirvara eftir að styrktargreiðslur fyrir Wikileaks tóku að flæða inn í gáttina. Með dómi Hæstaréttar frá 24. apríl 2013 var viðurkennt að það hafi verið ólögmæt ráðstöfun af hálfu Valitor að loka á greiðslur til Wikileaks án fyrirvara og fyrirtækinu var gert skylt, að viðlögðum dagsektum, að opna fyrir greiðslugáttina að nýju. Fyrirtækin, Datacell og Sunshine Press Productions fengu Sigurjón Þ. Árnason fyrrverandi bankastjóra Landsbankans til að reikna út ætlað tjón vegna ráðstöfunar Valitors og var niðurstaða útreikninga Sigurjóns að tónið gæti verið á bilinu 1 - 8 milljarðar króna meðan gáttin var lokuð. Í 65. gr. laga um gjaldþrotaskipti er heimild til að krefjast gjaldþrotaskipta á búi skuldara ef hann hefur ekki orðið við greiðsluáskorun með yfirlýsingu um gjaldfærni. Greiðsluáskorun var send Valitor hinn 18. júní 2013 án þess að fyrirtækið brygðist við og greiðsluáskorun á grundvelli gjaldþrotalaga var síðan send hinn 15. desember síðastliðinn. Þá var skorað á félagið að greiða kröfuna innan þriggja vikna. Jafnframt var skorað á félagið að lýsa því yfir innan sama frests að félagið væri fært um að greiða kröfuna en að öðrum kosti mætti búast við að krafist yrði gjaldþrotaskipta á búi félagsins. Eigið fé Valitors samkvæmt síðasta birta ársreikningi fyrirtækisins frá árinu 2013 er 7,5 milljarðar króna. Skaðabótakrafa fyrirtækjanna tveggja hljóðar upp á 10,3 milljarða króna með vöxtum en um er að ræða ítrustu kröfu vegna ætlaðs tjóns. Því er ljóst að krafan er talsvert hærri en sem nemur öllu eigin fé Valitors. Í kröfu um gjaldþrotaskipti segir: „Skiptabeiðendur byggja á því að gjaldþrotaskipti á búi félagsins séu óumflýjanleg enda er ljóst að hlutafélagið Valitor getur ekki, miðað við fyrirliggjandi gögn greitt skuld sína við skiptabeiðendur, þegar að því kemur.“ Ekki eru þekkt dæmi um það hér á landi að farið hafi verið fram á gjaldþrotaskipti yfir greiðslumiðlunarfyrirtækjum eins og Valitor og óljóst hvaða áhrif slík beiðni hefur á rekstur fyrirtækisins. Sigurður G. Guðjónsson lögmaður Valitors.Samhliða kröfu um gjaldþrotaskipti hefur Datacell stefnt Valitor til greiðslu skaðabótanna og er fyrirtaka í málinu næsta fimmtudag.Geta ekki sýnt fram á neinar tekjur yfir tímabil ætlaðs tjóns Sigurður G. Guðjónsson lögmaður Valitors segir að fyrirtækinu hafi ekki borist nein skaðabótakrafa sem mark sé á takandi. Þess vegna hafi Valitor ekki viljað semja til þessa þrátt fyrir að það liggi fyrir dómur um að fyrirtækinu hafi verið óheimilt að loka greiðslugáttinni. „Ársreikningar Datacell og Sunshine Press Productions fyrir þetta tímabil sem Datacell var í þjónustu við Valitor bera það ekki með sér að félagið hafi haft neinar tekjur þá. Sunshine Press Productions, sem sagt er reka Wikileaks, hefur aldrei haft neinar tekjur. Það er mjög merkilegt að félög sem hafa aldrei haft neinar tekjur, jafnvel á þeim tíma þegar greiðslugáttin var opin, hafi orðið fyrir tjóni sem nemur milljörðum króna,“ segir Sigurður. Hann segir jafnframt ágreining um hvaða matsmann eigi að dómkveðja í málinu. Sigurður segir að vissulega sé það alvarlegur hlutur að lögð hafi verið fram beiðni um gjaldþrotaskipti. Hins vegar muni hún ekki hafa teljandi áhrif á rekstur Valitors. „Ég held að þetta muni ekki setja reksturinn úr skorðum, svona krafa sem er ekki studd neinum rökum. Ég fæ ekki séð að nokkur dómstóll á Íslandi geti fallist á svona gjaldþrotabeiðni.“ Mest lesið ORA svarar fyrir fiskbúðinginn: „Stundum þarf bara pung í að gera breytingar“ Neytendur Segir stjórnendur ætla að skilja skuldirnar eftir á Íslandi Viðskipti innlent Samkaup eignast 38 prósenta hlut í Kjötkompaní Viðskipti innlent 208 sagt upp í fimm hópuppsögnum Viðskipti innlent Einn stofnenda Play og Leifur í framkvæmdastjórn Icelandair Viðskipti innlent Íþróttafræðin inn á vinnustaðinn: Yfirmenn ekki lengur alvitri einhyrningurinn Atvinnulíf Kaupfélagið á bak við risaviðskipti í Iceland Seafood Viðskipti innlent Eiríkur Orri til Ofar Viðskipti innlent „Það verður andskoti flókið“ Viðskipti innlent Múlakaffi nýtir farþegamiðstöðina yfir veturinn Viðskipti innlent Fleiri fréttir 208 sagt upp í fimm hópuppsögnum Einn stofnenda Play og Leifur í framkvæmdastjórn Icelandair Eiríkur Orri til Ofar Samkaup eignast 38 prósenta hlut í Kjötkompaní Segir stjórnendur ætla að skilja skuldirnar eftir á Íslandi „Það verður andskoti flókið“ Kaupfélagið á bak við risaviðskipti í Iceland Seafood Múlakaffi nýtir farþegamiðstöðina yfir veturinn „Við munum gæta réttar kröfuhafa í hvívetna“ Viðkvæm staða í björgunaraðgerðum Play Europe Horfa fram á tugmilljarða samdrátt og bíða í ofvæni eftir loðnufréttum Hætti korteri eftir peppfund með Möltufólkinu Isavia gefur strandaglópum engin grið Ásgeir og Darri til Landslaga Sahara og Olís tilnefnd til tvennra alþjóðlegra verðlauna Hvetur stjórnvöld til að veita ferðaskrifstofum lán eins og í Covid Búið að greiða laun og barnabætur Stefna á að hefja starfsemi á Möltu innan tíu vikna Snaps teygir anga sína út á Hlemm „Það er svo langt síðan að við höfðum ekki trú á Play“ Arnar Þór og Unnur Lilja skipta búi Play Bændaferðir færa sig í skemmtiferðasiglingar Fallið frá kröfum um neyðarfjarskipti á hálendinu Play með sex prósent flugsæta til og frá landinu Hrun í makríl og kolmunna Fall Play áfall en að einhverju leyti fyrirséð Segir ekki honum að kenna að Play hafi farið á hausinn Eðlilegt ef farið verður yfir eftirlit með flugfélögum Höggið á íslenska ferðaþjónustu ætti að vera takmarkað Þjóðarskútan sé „vel í stakk búin til að sigla milli skers og báru í úfnum sjó“ Sjá meira
Tvö fyrirtæki sem önnuðust söfnun styrktarfjár fyrir Wikileaks hafa krafist þess að Valitor, útgefandi VISA á Íslandi, verði tekið til gjaldþrotaskipta vegna ógreiddrar skaðabótakröfu sem er rúmlega 10 milljarðar króna með vöxtum. Forsögu málsins má rekja til október 2010 þegar gengið var frá samningi um að fyrirtækið DataCell myndi sjá um rekstur greiðslugáttar fyrir Sunshine Press Production, rekstraraðila uppljóstrunarsíðunnar Wikileaks, til að taka á móti styrktargreiðslum frá velunnurum Wikileaks. Valitor lokaði greiðslugáttinni 8. júlí 2011 án fyrirvara eftir að styrktargreiðslur fyrir Wikileaks tóku að flæða inn í gáttina. Með dómi Hæstaréttar frá 24. apríl 2013 var viðurkennt að það hafi verið ólögmæt ráðstöfun af hálfu Valitor að loka á greiðslur til Wikileaks án fyrirvara og fyrirtækinu var gert skylt, að viðlögðum dagsektum, að opna fyrir greiðslugáttina að nýju. Fyrirtækin, Datacell og Sunshine Press Productions fengu Sigurjón Þ. Árnason fyrrverandi bankastjóra Landsbankans til að reikna út ætlað tjón vegna ráðstöfunar Valitors og var niðurstaða útreikninga Sigurjóns að tónið gæti verið á bilinu 1 - 8 milljarðar króna meðan gáttin var lokuð. Í 65. gr. laga um gjaldþrotaskipti er heimild til að krefjast gjaldþrotaskipta á búi skuldara ef hann hefur ekki orðið við greiðsluáskorun með yfirlýsingu um gjaldfærni. Greiðsluáskorun var send Valitor hinn 18. júní 2013 án þess að fyrirtækið brygðist við og greiðsluáskorun á grundvelli gjaldþrotalaga var síðan send hinn 15. desember síðastliðinn. Þá var skorað á félagið að greiða kröfuna innan þriggja vikna. Jafnframt var skorað á félagið að lýsa því yfir innan sama frests að félagið væri fært um að greiða kröfuna en að öðrum kosti mætti búast við að krafist yrði gjaldþrotaskipta á búi félagsins. Eigið fé Valitors samkvæmt síðasta birta ársreikningi fyrirtækisins frá árinu 2013 er 7,5 milljarðar króna. Skaðabótakrafa fyrirtækjanna tveggja hljóðar upp á 10,3 milljarða króna með vöxtum en um er að ræða ítrustu kröfu vegna ætlaðs tjóns. Því er ljóst að krafan er talsvert hærri en sem nemur öllu eigin fé Valitors. Í kröfu um gjaldþrotaskipti segir: „Skiptabeiðendur byggja á því að gjaldþrotaskipti á búi félagsins séu óumflýjanleg enda er ljóst að hlutafélagið Valitor getur ekki, miðað við fyrirliggjandi gögn greitt skuld sína við skiptabeiðendur, þegar að því kemur.“ Ekki eru þekkt dæmi um það hér á landi að farið hafi verið fram á gjaldþrotaskipti yfir greiðslumiðlunarfyrirtækjum eins og Valitor og óljóst hvaða áhrif slík beiðni hefur á rekstur fyrirtækisins. Sigurður G. Guðjónsson lögmaður Valitors.Samhliða kröfu um gjaldþrotaskipti hefur Datacell stefnt Valitor til greiðslu skaðabótanna og er fyrirtaka í málinu næsta fimmtudag.Geta ekki sýnt fram á neinar tekjur yfir tímabil ætlaðs tjóns Sigurður G. Guðjónsson lögmaður Valitors segir að fyrirtækinu hafi ekki borist nein skaðabótakrafa sem mark sé á takandi. Þess vegna hafi Valitor ekki viljað semja til þessa þrátt fyrir að það liggi fyrir dómur um að fyrirtækinu hafi verið óheimilt að loka greiðslugáttinni. „Ársreikningar Datacell og Sunshine Press Productions fyrir þetta tímabil sem Datacell var í þjónustu við Valitor bera það ekki með sér að félagið hafi haft neinar tekjur þá. Sunshine Press Productions, sem sagt er reka Wikileaks, hefur aldrei haft neinar tekjur. Það er mjög merkilegt að félög sem hafa aldrei haft neinar tekjur, jafnvel á þeim tíma þegar greiðslugáttin var opin, hafi orðið fyrir tjóni sem nemur milljörðum króna,“ segir Sigurður. Hann segir jafnframt ágreining um hvaða matsmann eigi að dómkveðja í málinu. Sigurður segir að vissulega sé það alvarlegur hlutur að lögð hafi verið fram beiðni um gjaldþrotaskipti. Hins vegar muni hún ekki hafa teljandi áhrif á rekstur Valitors. „Ég held að þetta muni ekki setja reksturinn úr skorðum, svona krafa sem er ekki studd neinum rökum. Ég fæ ekki séð að nokkur dómstóll á Íslandi geti fallist á svona gjaldþrotabeiðni.“
Mest lesið ORA svarar fyrir fiskbúðinginn: „Stundum þarf bara pung í að gera breytingar“ Neytendur Segir stjórnendur ætla að skilja skuldirnar eftir á Íslandi Viðskipti innlent Samkaup eignast 38 prósenta hlut í Kjötkompaní Viðskipti innlent 208 sagt upp í fimm hópuppsögnum Viðskipti innlent Einn stofnenda Play og Leifur í framkvæmdastjórn Icelandair Viðskipti innlent Íþróttafræðin inn á vinnustaðinn: Yfirmenn ekki lengur alvitri einhyrningurinn Atvinnulíf Kaupfélagið á bak við risaviðskipti í Iceland Seafood Viðskipti innlent Eiríkur Orri til Ofar Viðskipti innlent „Það verður andskoti flókið“ Viðskipti innlent Múlakaffi nýtir farþegamiðstöðina yfir veturinn Viðskipti innlent Fleiri fréttir 208 sagt upp í fimm hópuppsögnum Einn stofnenda Play og Leifur í framkvæmdastjórn Icelandair Eiríkur Orri til Ofar Samkaup eignast 38 prósenta hlut í Kjötkompaní Segir stjórnendur ætla að skilja skuldirnar eftir á Íslandi „Það verður andskoti flókið“ Kaupfélagið á bak við risaviðskipti í Iceland Seafood Múlakaffi nýtir farþegamiðstöðina yfir veturinn „Við munum gæta réttar kröfuhafa í hvívetna“ Viðkvæm staða í björgunaraðgerðum Play Europe Horfa fram á tugmilljarða samdrátt og bíða í ofvæni eftir loðnufréttum Hætti korteri eftir peppfund með Möltufólkinu Isavia gefur strandaglópum engin grið Ásgeir og Darri til Landslaga Sahara og Olís tilnefnd til tvennra alþjóðlegra verðlauna Hvetur stjórnvöld til að veita ferðaskrifstofum lán eins og í Covid Búið að greiða laun og barnabætur Stefna á að hefja starfsemi á Möltu innan tíu vikna Snaps teygir anga sína út á Hlemm „Það er svo langt síðan að við höfðum ekki trú á Play“ Arnar Þór og Unnur Lilja skipta búi Play Bændaferðir færa sig í skemmtiferðasiglingar Fallið frá kröfum um neyðarfjarskipti á hálendinu Play með sex prósent flugsæta til og frá landinu Hrun í makríl og kolmunna Fall Play áfall en að einhverju leyti fyrirséð Segir ekki honum að kenna að Play hafi farið á hausinn Eðlilegt ef farið verður yfir eftirlit með flugfélögum Höggið á íslenska ferðaþjónustu ætti að vera takmarkað Þjóðarskútan sé „vel í stakk búin til að sigla milli skers og báru í úfnum sjó“ Sjá meira