Líklega flottasta fiskabúr í heimi

Þegar menn gera 12 milljarða samninga þá er nauðsynlegt að gera eitthvað glórulaust við peningana.

Jimmy Butler, leikmaður Chicago Bulls, er nýbúinn að skrifa undir 12,5 milljarða króna samning við félagið og er byrjaður að eyða peningum í hitt og þetta.

Hann er til að mynda búinn að fá sér risastórt fiskabúr sem lítur út eins og „ghetto blaster".

Í búrinu er svo meðal annars fiskur sem heitir Jordan. Viðeigandi fyrir leikmann Bulls.

Svo er eðlilega hægt að spila tónlist á fiskabúrinu. Myndband af þessu stórskemmtilega fiskabúri má sjá að ofan.