Lögreglan leitar vitna að banaslysi

Lögreglan á höfuðborgarsvæðinu leitar nú vitna að banaslysi í Ártúnsbrekkunni á Vesturlandsvegi í morgun. Karlmaður á sextugsaldri lét lífið þegar hann varð fyrir bíl á hjóli sínu, en lögreglunni barst tilkynning um slysið klukkan 6:34.

Mikill viðbúnaður var vegna slyssins og var lokað fyrir umferð um Ártúnsbrekku í austur í á aðra klukkustund.

Lögreglan biður þá sem kunna að hafa orðið vitni að slysinu að hafa samband í síma 444 1000. Einnig má senda upplýsingar í tölvupósti á netfangið sigurdur.petursson@lrh.is eða í einkaskilaboðum á fésbókarsíðu Lögreglunnar á höfuðborgarsvæðinu.

Karl á sextugsaldri lést í umferðarslysi á Vesturlandsvegi í morgun, en hann var á reiðhjóli sem bifreið ók á....

Posted by Lögreglan á höfuðborgarsvæðinu on Monday, December 21, 2015