Grjót, hnífar og gyðingaljós Ívar Halldórsson skrifar 21. desember 2015 23:01 Mannfall í Ísrael og ofbeldi í garð þeirra fjölskyldna sem þar búa þykir yfirleitt ekki mjög áhugavert fréttaefni nú á dögum. Ísraelsk mannlíf virðast því miður ekki fá hlutfallslega jafn mikla meðaumkun og mannlíf víða annars staðar í heiminum, ef vel er að gáð. Það sem hefur verið að gerast þar í landi undanfarnar vikur þætti þó heldur betur fréttnæmt efni ef atburðirnir ættu sér stað í öðrum lýðræðislöndum. Ísrael hefur orðið að þola 2225 grjótkasts-árásir á síðustu þremur mánuðum. Töluglöggir menn átta sig á því að þetta eru um 24 árásir á dag. „Þetta er bara grjót - hvað eru þeir að kvarta?“, myndu þó margir spyrja, ef þessar fréttir rötuðu nú annars í íslenska fjölmiðla. Þessi grjótköst hafa þó sært ótal margra og leitt saklausa borgara til dauða. Það er auðvitað ekki í lagi. Fyrir utan grjótkastsárásir hafa Palestínumenn notað hnífa sína reglulega í heilögum morðtilræðum og flogið flugskeytum sínum til að reyna að fella sem flesta saklausa ísraelska borgara. Þessar miður friðsamlegu aðgerðir hafa kostað um 22 lífið og hafa um 252 særst. Sumir hérlendis ganga þó meira að segja svo langt að hugsa með sér, „Rétt á þá!“ án þess að hafa neitt sérstakt fyrir sér, nema þá frekar fyrirsjáanlega, and-ísraelska „copy-paste“ fréttamennsku ýmissa fjölmiðla hérlendis. Þegar þú lest fréttir af Ísrael er ekki ólíklegt að þú sért að lesa t.d. frétt sem er tekin á andlitsvirði og án gagnrýni beint frá Al Jazeera fréttamiðlinum, sem er að hluta til fjármagnaður af konungsfjölskyldunni í Quatar. Fréttir eru birtar viðstöðulaust frá vafasömum erlendum miðlum án frekari staðfestinga um réttmæti þeirra - þetta hef ég fengið staðfest frá aðilum sem fréttir birta hérlendis. Þess má geta að Al Jazeera miðillinn er t.d. þekktur fyrir allt annað en óhlutdræga fréttamennsku og hefur verið sakaður af ýmsum um anti-semetískan áróður. Og svo annað: Nú fyrir stuttu sagði foringi Hamas, Khaled Mash´al, að eingöngu heilagt stríð og blóð myndi skila árangri hvað Ísrael varðar. Hérlendis eru þó margir sem fullyrða að stríðið milli Palestínumanna og Ísraelsmanna hafi ekkert með trú að gera, sem verður að teljast athyglisvert í ljósi orða foringjans. Hann sagði að vonlaust væri að leita réttar Palestínumanna í gegnum Sameinuðu þjóðirnar. Tvö þúsund „orða-flugskeyti“ stæðu engan samanburð við eitt flugskeyti úr stáli, sagði hann, og hvatti enn fremur áheyrendur sína til að nota hnífa og bifreiðar til að granda óvini þeirra. Fátækir menn, konur og börn sem leggja sitt af mörkum með hnífum sínum fyrir Allah, eru nefnilega réttlætt í augum guðs síns, segir hann. Samkvæmt foringja Hamas fagnar Allah píslarvættisdauða þeirra sem fórna sér til að drepa saklaust fólk í Ísrael. Þetta er allt beint úr munni mannsins sem því miður margir Íslendingar verja og/eða málstað hans – væntanlega vegna þess að þeir vita ekki betur og átta sig ekki á hversu í raun öflug og útbreidd áróðursmaskína öfgamúslima er. Nú hefur hún teygt anga sína í okkar átt, og hugmyndafræðin sem ógnar friði Ísraelsmanna hefur vakið ugg og ótta í nágrannalöndum okkar; nú nýlega í Parísarborg í Frakklandi. Mér þykir þetta fréttnæmt. Hér viðurkennir foringi Hamas ófeiminn í myndavélar, fyrir hönd stjórnar Palestínumanna, að hann kjósi heilagt stríð í nafni Allah, eldflaugaárásir og hnífsstungur umfram friðarviðræður. Hann hvetur opinberlega til ofbeldis! Sannleikurinn kemur alltaf upp á yfirborðið fyrr eða síðar. Sumir eru því miður samt svo þrjóskir að þeir verja blákalda lygi frekar en að viðurkenna að þeir hafa rangt fyrir sér með mark og mið Hamas. Eins konar blygðunarblinda virðist hafa tekið sig upp víða hérlendis. Í aðdraganda jóla, þegar kærleikur og friður eiga að vera í framsætinu, vona ég að við setjum fordómana í flokkunarföturnar. Hugsum hlýtt til þeirra sem setja lýðræði, frelsi og jafnrétti á oddinn og berjast gegn lygum og heilögu hatri. Ísrael er lýðræðisríki sem berst fyrir tilvist sinni í torfærum kringumstæðum. Þar njóta konur sömu réttinda og menn. Þar njóta samkynhneigðir sömu réttinda og gagnkynhneigðir. Þar njóta arabar sömu réttinda og gyðingar. Þar njóta múslimar sömu réttinda og kristnir. Ef þú ættir heima í Ísrael myndirðu hiklaust átta þig á að þótt fleipurfullur fjölmiðlasandurinn fjúki annað slagið í augu margra og reyni að blinda sýn, standa viðurkenndar staðreyndir af sér áróðursstormana þegar uppi er staðið. Palestínskum öfgamúslimum, sem hvetja til hryðjuverka gegn Ísrael, er mjög í mun að þú trúir ekki sannleikanum, því að á lygum þeirra veltur trúverðugleiki þeirra. Þegar þú kveikir á gyðingaljósunum þessi jól skaltu minnast þess að Ísraelsmenn eiga einnig rétt á friðarjólum, rétt eins og þú og fjölskylda þín. Ívar Halldórsson Viltu birta grein á Vísi? Sendu okkur póst. Senda grein Ívar Halldórsson Skoðun Mest lesið Við skuldum þeim að hlusta Ólafur Adolfsson Skoðun Mikilvæg gagnrýni eða tilraun til valdayfirtöku í Sósíalistaflokknum? Ása Lind Finnbogadóttir Skoðun Daði Már týnir sjálfum sér Heiðrún Lind Marteinsdóttir Skoðun Matvælaverð hefur nær þrefaldast frá stofnun Viðskiptaráðs! Sigríður Ingibjörg Ingadóttir Skoðun „Litla stúlkan og ruddarnir“ - Hugleiðing um stöðu Íslands á alþj.vettv. Flosi Þorgeirsson Skoðun Opið bréf til stjórnvalda Elín Ýr Arnar Hafdísardóttir Skoðun Stöðvum Hamas. Einungis þannig getum við stöðvað hryllinginn á Gaza BIrgir Finnsson Skoðun Verðmætasköpun án virðingar Berglind Harpa Svavarsdóttir Skoðun Ég á þetta ég má þetta Arnar Atlason Skoðun Dagur líffræðilegrar fjölbreytni 2025 Rannveig Magnúsdóttir,Ole Sandberg,Ragnhildur Guðmundsdóttir,Rebecca Thompson,Skúli Skúlason,Sæunn Júlía Sigurjónsdóttir Skoðun Skoðun Skoðun Opið bréf til stjórnvalda Elín Ýr Arnar Hafdísardóttir skrifar Skoðun Við skuldum þeim að hlusta Ólafur Adolfsson skrifar Skoðun „Litla stúlkan og ruddarnir“ - Hugleiðing um stöðu Íslands á alþj.vettv. Flosi Þorgeirsson skrifar Skoðun Mikilvæg gagnrýni eða tilraun til valdayfirtöku í Sósíalistaflokknum? Ása Lind Finnbogadóttir skrifar Skoðun Matvælaverð hefur nær þrefaldast frá stofnun Viðskiptaráðs! Sigríður Ingibjörg Ingadóttir skrifar Skoðun Alvarleg staða í umhverfi fréttamiðla Rósa Guðbjartsdóttir skrifar Skoðun Stéttarkerfi Halldóra Lillý Jóhannsdóttir skrifar Skoðun Stöðvum Hamas. Einungis þannig getum við stöðvað hryllinginn á Gaza BIrgir Finnsson skrifar Skoðun Dagur líffræðilegrar fjölbreytni 2025 Rannveig Magnúsdóttir,Ole Sandberg,Ragnhildur Guðmundsdóttir,Rebecca Thompson,Skúli Skúlason,Sæunn Júlía Sigurjónsdóttir skrifar Skoðun Æfingin skapar meistarann! Sigurjón Már Fox Gunnarsson skrifar Skoðun 140 sinnum líklegra að verða fyrir eldingu Sigurður G. Guðjónsson skrifar Skoðun Konum í afplánun fjölgar: Með flókin áföll á bakinu Tinna Eyberg Örlygsdóttir,Sigríður Ella Jónsdóttir skrifar Skoðun Traust í húfi Eyjólfur Ármannsson skrifar Skoðun Verðmætasköpun án virðingar Berglind Harpa Svavarsdóttir skrifar Skoðun Daði Már týnir sjálfum sér Heiðrún Lind Marteinsdóttir skrifar Skoðun Samhljómur við náttúruna og sjálfbæra þróun Anna María Ágústsdóttir skrifar Skoðun Aðgerðir gegn mansali í forgangi Þorbjörg S. Gunnlaugsdóttir skrifar Skoðun Enginn á verðinum – um ábyrgð, framtíðarsýn og mikilvægi forvirkrar stjórnsýslu Guðjón Heiðar Pálsson skrifar Skoðun Framtíðin fær húsnæði Ingunn Gunnarsdóttir skrifar Skoðun Börnin sem deyja á Gaza Elín Pjetursdóttir skrifar Skoðun Brýr, sýkingar og börn Jón Pétur Zimsen skrifar Skoðun Konum í afplánun fjölgar: Með flókin áföll á bakinu Tinna Eyberg Örlygsdóttir,Sigríður Ella Jónsdóttir skrifar Skoðun Hvað er lýðskóli eiginlega? Margrét Gauja Magnúsdóttir skrifar Skoðun Búum til pláss fyrir framtíðina Birna Þórarinsdóttir skrifar Skoðun Hættuleg ofnotkun svefnlyfja á Íslandi Drífa Sigfúsdóttir skrifar Skoðun Kveikjum neistann um allt land Kolbrún Áslaugar Baldursdóttir skrifar Skoðun Ætlar Ísland að fara sömu leið og Evrópa í útlendingamálum? Kári Allansson skrifar Skoðun Samtökin 78 verðlauna sögufölsun Böðvar Björnsson skrifar Skoðun Afstaða – á vaktinni í 20 ár Arndís Vilhjálmsdóttir,Guðbjörg Sveinsdóttir skrifar Skoðun Menntun sem mannréttindi – ekki forréttindi París Anna Bergmann,Sigurður Kári Harðarson skrifar Sjá meira
Mannfall í Ísrael og ofbeldi í garð þeirra fjölskyldna sem þar búa þykir yfirleitt ekki mjög áhugavert fréttaefni nú á dögum. Ísraelsk mannlíf virðast því miður ekki fá hlutfallslega jafn mikla meðaumkun og mannlíf víða annars staðar í heiminum, ef vel er að gáð. Það sem hefur verið að gerast þar í landi undanfarnar vikur þætti þó heldur betur fréttnæmt efni ef atburðirnir ættu sér stað í öðrum lýðræðislöndum. Ísrael hefur orðið að þola 2225 grjótkasts-árásir á síðustu þremur mánuðum. Töluglöggir menn átta sig á því að þetta eru um 24 árásir á dag. „Þetta er bara grjót - hvað eru þeir að kvarta?“, myndu þó margir spyrja, ef þessar fréttir rötuðu nú annars í íslenska fjölmiðla. Þessi grjótköst hafa þó sært ótal margra og leitt saklausa borgara til dauða. Það er auðvitað ekki í lagi. Fyrir utan grjótkastsárásir hafa Palestínumenn notað hnífa sína reglulega í heilögum morðtilræðum og flogið flugskeytum sínum til að reyna að fella sem flesta saklausa ísraelska borgara. Þessar miður friðsamlegu aðgerðir hafa kostað um 22 lífið og hafa um 252 særst. Sumir hérlendis ganga þó meira að segja svo langt að hugsa með sér, „Rétt á þá!“ án þess að hafa neitt sérstakt fyrir sér, nema þá frekar fyrirsjáanlega, and-ísraelska „copy-paste“ fréttamennsku ýmissa fjölmiðla hérlendis. Þegar þú lest fréttir af Ísrael er ekki ólíklegt að þú sért að lesa t.d. frétt sem er tekin á andlitsvirði og án gagnrýni beint frá Al Jazeera fréttamiðlinum, sem er að hluta til fjármagnaður af konungsfjölskyldunni í Quatar. Fréttir eru birtar viðstöðulaust frá vafasömum erlendum miðlum án frekari staðfestinga um réttmæti þeirra - þetta hef ég fengið staðfest frá aðilum sem fréttir birta hérlendis. Þess má geta að Al Jazeera miðillinn er t.d. þekktur fyrir allt annað en óhlutdræga fréttamennsku og hefur verið sakaður af ýmsum um anti-semetískan áróður. Og svo annað: Nú fyrir stuttu sagði foringi Hamas, Khaled Mash´al, að eingöngu heilagt stríð og blóð myndi skila árangri hvað Ísrael varðar. Hérlendis eru þó margir sem fullyrða að stríðið milli Palestínumanna og Ísraelsmanna hafi ekkert með trú að gera, sem verður að teljast athyglisvert í ljósi orða foringjans. Hann sagði að vonlaust væri að leita réttar Palestínumanna í gegnum Sameinuðu þjóðirnar. Tvö þúsund „orða-flugskeyti“ stæðu engan samanburð við eitt flugskeyti úr stáli, sagði hann, og hvatti enn fremur áheyrendur sína til að nota hnífa og bifreiðar til að granda óvini þeirra. Fátækir menn, konur og börn sem leggja sitt af mörkum með hnífum sínum fyrir Allah, eru nefnilega réttlætt í augum guðs síns, segir hann. Samkvæmt foringja Hamas fagnar Allah píslarvættisdauða þeirra sem fórna sér til að drepa saklaust fólk í Ísrael. Þetta er allt beint úr munni mannsins sem því miður margir Íslendingar verja og/eða málstað hans – væntanlega vegna þess að þeir vita ekki betur og átta sig ekki á hversu í raun öflug og útbreidd áróðursmaskína öfgamúslima er. Nú hefur hún teygt anga sína í okkar átt, og hugmyndafræðin sem ógnar friði Ísraelsmanna hefur vakið ugg og ótta í nágrannalöndum okkar; nú nýlega í Parísarborg í Frakklandi. Mér þykir þetta fréttnæmt. Hér viðurkennir foringi Hamas ófeiminn í myndavélar, fyrir hönd stjórnar Palestínumanna, að hann kjósi heilagt stríð í nafni Allah, eldflaugaárásir og hnífsstungur umfram friðarviðræður. Hann hvetur opinberlega til ofbeldis! Sannleikurinn kemur alltaf upp á yfirborðið fyrr eða síðar. Sumir eru því miður samt svo þrjóskir að þeir verja blákalda lygi frekar en að viðurkenna að þeir hafa rangt fyrir sér með mark og mið Hamas. Eins konar blygðunarblinda virðist hafa tekið sig upp víða hérlendis. Í aðdraganda jóla, þegar kærleikur og friður eiga að vera í framsætinu, vona ég að við setjum fordómana í flokkunarföturnar. Hugsum hlýtt til þeirra sem setja lýðræði, frelsi og jafnrétti á oddinn og berjast gegn lygum og heilögu hatri. Ísrael er lýðræðisríki sem berst fyrir tilvist sinni í torfærum kringumstæðum. Þar njóta konur sömu réttinda og menn. Þar njóta samkynhneigðir sömu réttinda og gagnkynhneigðir. Þar njóta arabar sömu réttinda og gyðingar. Þar njóta múslimar sömu réttinda og kristnir. Ef þú ættir heima í Ísrael myndirðu hiklaust átta þig á að þótt fleipurfullur fjölmiðlasandurinn fjúki annað slagið í augu margra og reyni að blinda sýn, standa viðurkenndar staðreyndir af sér áróðursstormana þegar uppi er staðið. Palestínskum öfgamúslimum, sem hvetja til hryðjuverka gegn Ísrael, er mjög í mun að þú trúir ekki sannleikanum, því að á lygum þeirra veltur trúverðugleiki þeirra. Þegar þú kveikir á gyðingaljósunum þessi jól skaltu minnast þess að Ísraelsmenn eiga einnig rétt á friðarjólum, rétt eins og þú og fjölskylda þín. Ívar Halldórsson
Mikilvæg gagnrýni eða tilraun til valdayfirtöku í Sósíalistaflokknum? Ása Lind Finnbogadóttir Skoðun
Matvælaverð hefur nær þrefaldast frá stofnun Viðskiptaráðs! Sigríður Ingibjörg Ingadóttir Skoðun
Dagur líffræðilegrar fjölbreytni 2025 Rannveig Magnúsdóttir,Ole Sandberg,Ragnhildur Guðmundsdóttir,Rebecca Thompson,Skúli Skúlason,Sæunn Júlía Sigurjónsdóttir Skoðun
Skoðun „Litla stúlkan og ruddarnir“ - Hugleiðing um stöðu Íslands á alþj.vettv. Flosi Þorgeirsson skrifar
Skoðun Mikilvæg gagnrýni eða tilraun til valdayfirtöku í Sósíalistaflokknum? Ása Lind Finnbogadóttir skrifar
Skoðun Matvælaverð hefur nær þrefaldast frá stofnun Viðskiptaráðs! Sigríður Ingibjörg Ingadóttir skrifar
Skoðun Dagur líffræðilegrar fjölbreytni 2025 Rannveig Magnúsdóttir,Ole Sandberg,Ragnhildur Guðmundsdóttir,Rebecca Thompson,Skúli Skúlason,Sæunn Júlía Sigurjónsdóttir skrifar
Skoðun Konum í afplánun fjölgar: Með flókin áföll á bakinu Tinna Eyberg Örlygsdóttir,Sigríður Ella Jónsdóttir skrifar
Skoðun Enginn á verðinum – um ábyrgð, framtíðarsýn og mikilvægi forvirkrar stjórnsýslu Guðjón Heiðar Pálsson skrifar
Skoðun Konum í afplánun fjölgar: Með flókin áföll á bakinu Tinna Eyberg Örlygsdóttir,Sigríður Ella Jónsdóttir skrifar
Skoðun Menntun sem mannréttindi – ekki forréttindi París Anna Bergmann,Sigurður Kári Harðarson skrifar
Mikilvæg gagnrýni eða tilraun til valdayfirtöku í Sósíalistaflokknum? Ása Lind Finnbogadóttir Skoðun
Matvælaverð hefur nær þrefaldast frá stofnun Viðskiptaráðs! Sigríður Ingibjörg Ingadóttir Skoðun
Dagur líffræðilegrar fjölbreytni 2025 Rannveig Magnúsdóttir,Ole Sandberg,Ragnhildur Guðmundsdóttir,Rebecca Thompson,Skúli Skúlason,Sæunn Júlía Sigurjónsdóttir Skoðun