Þetta verður allt í lagi Haukur Viðar Alfreðsson skrifar 28. desember 2015 10:15 Á meðan sumir stóðu í biðröð til þess að sjá nýjustu Stjörnustríðsmyndina nenntu aðrir ekkert að pæla í henni. Svo er það þriðji hópurinn. „Ég hef ekki séð eina einustu Star Wars–mynd,“ segja þau stolt eins og um mikið afrek sé að ræða. Eins og það sé almennt erfiðara að sleppa því að gera hluti en að gera þá. Ég myndi kannski dást að sjálfsstjórninni ef montið snerist um að hafa aldrei tekið smók af sígarettu eða hafa aldrei sleppt því að mæta í ræktina, en að hafa ekki séð einhverjar bíómyndir er ekki afrek. Einu sinni sagði ég hverjum sem heyra vildi að ég hefði aldrei heyrt í tónlistarmanninum Mika. Hann var í þá daga afar vinsæll söngvari og þótti mörgum það merkilegt að tónlist þessa líbanskættaða látúnsbarka hefði aldrei orðið á vegi mínum. Það sem mig samt raunverulega langaði að koma á framfæri var það að ég hlustaði sko ekki á fjöldaframleitt Effemm-sorp. Að lokum hvarf Mika sporlaust ásamt Lukas Rossi, Sum 41 og öllum MiniDisc-spilurum sem framleiddir hafa verið í heiminum, en fólk er ennþá að monta sig af því að hafa ekki heyrt eitthvað eða séð eitthvað. „Ég held ég geti ekki nefnt eitt einasta lag með Justin Bieber,“ heyrðist í mörgum þegar fregnir bárust af komu hans til landsins. Eins og það að Gunni gröfukall í Grafarvogi hafi ekki heyrt í honum geri Bieber að undirmálsmanni. Að Bieber geti nú ekki verið það merkilegur fyrst hann hefur aldrei náð til eyrna hans. En Gunni er bara hræddur við að vera orðinn gamall og „át of tödds“. Bieber er ógn í hans augum. Þess vegna skaltu, næst þegar einhver segir þér að hann hafi ekki séð eina einustu Star Wars-mynd, faðma hann og segja: „Þetta verður allt í lagi.“ Viltu birta grein á Vísi? Sendu okkur póst. Senda grein Haukur Viðar Alfreðsson Mest lesið Loksins fær þyrlan heimili fyrir norðan Njáll Trausti Friðbertsson Skoðun Opið bréf til stjórnvalda Elín Ýr Arnar Hafdísardóttir Skoðun Matvælaverð hefur nær þrefaldast frá stofnun Viðskiptaráðs! Sigríður Ingibjörg Ingadóttir Skoðun Við skuldum þeim að hlusta Ólafur Adolfsson Skoðun Hvernig gengur nýjum kennurum í grunnskólakennslu? Ingólfur Ásgeir Jóhannesson,Aðalheiður Anna Erlingsdóttir,Andri Rafn Ottesen,Maríanna Jónsdóttir Maríudóttir,Valgerður S. Bjarnadóttir Skoðun „Litla stúlkan og ruddarnir“ - Hugleiðing um stöðu Íslands á alþj.vettv. Flosi Þorgeirsson Skoðun Daði Már týnir sjálfum sér Heiðrún Lind Marteinsdóttir Skoðun Huglæg réttlætiskennd og skattar á verðmætasköpun Kristinn Karl Brynjarsson Skoðun Mikilvæg gagnrýni eða tilraun til valdayfirtöku í Sósíalistaflokknum? Ása Lind Finnbogadóttir Skoðun Næstu sólarhringar á Gaza skipta sköpum Hlynur Már Vilhjálmsson Skoðun
Á meðan sumir stóðu í biðröð til þess að sjá nýjustu Stjörnustríðsmyndina nenntu aðrir ekkert að pæla í henni. Svo er það þriðji hópurinn. „Ég hef ekki séð eina einustu Star Wars–mynd,“ segja þau stolt eins og um mikið afrek sé að ræða. Eins og það sé almennt erfiðara að sleppa því að gera hluti en að gera þá. Ég myndi kannski dást að sjálfsstjórninni ef montið snerist um að hafa aldrei tekið smók af sígarettu eða hafa aldrei sleppt því að mæta í ræktina, en að hafa ekki séð einhverjar bíómyndir er ekki afrek. Einu sinni sagði ég hverjum sem heyra vildi að ég hefði aldrei heyrt í tónlistarmanninum Mika. Hann var í þá daga afar vinsæll söngvari og þótti mörgum það merkilegt að tónlist þessa líbanskættaða látúnsbarka hefði aldrei orðið á vegi mínum. Það sem mig samt raunverulega langaði að koma á framfæri var það að ég hlustaði sko ekki á fjöldaframleitt Effemm-sorp. Að lokum hvarf Mika sporlaust ásamt Lukas Rossi, Sum 41 og öllum MiniDisc-spilurum sem framleiddir hafa verið í heiminum, en fólk er ennþá að monta sig af því að hafa ekki heyrt eitthvað eða séð eitthvað. „Ég held ég geti ekki nefnt eitt einasta lag með Justin Bieber,“ heyrðist í mörgum þegar fregnir bárust af komu hans til landsins. Eins og það að Gunni gröfukall í Grafarvogi hafi ekki heyrt í honum geri Bieber að undirmálsmanni. Að Bieber geti nú ekki verið það merkilegur fyrst hann hefur aldrei náð til eyrna hans. En Gunni er bara hræddur við að vera orðinn gamall og „át of tödds“. Bieber er ógn í hans augum. Þess vegna skaltu, næst þegar einhver segir þér að hann hafi ekki séð eina einustu Star Wars-mynd, faðma hann og segja: „Þetta verður allt í lagi.“
Matvælaverð hefur nær þrefaldast frá stofnun Viðskiptaráðs! Sigríður Ingibjörg Ingadóttir Skoðun
Hvernig gengur nýjum kennurum í grunnskólakennslu? Ingólfur Ásgeir Jóhannesson,Aðalheiður Anna Erlingsdóttir,Andri Rafn Ottesen,Maríanna Jónsdóttir Maríudóttir,Valgerður S. Bjarnadóttir Skoðun
Mikilvæg gagnrýni eða tilraun til valdayfirtöku í Sósíalistaflokknum? Ása Lind Finnbogadóttir Skoðun
Matvælaverð hefur nær þrefaldast frá stofnun Viðskiptaráðs! Sigríður Ingibjörg Ingadóttir Skoðun
Hvernig gengur nýjum kennurum í grunnskólakennslu? Ingólfur Ásgeir Jóhannesson,Aðalheiður Anna Erlingsdóttir,Andri Rafn Ottesen,Maríanna Jónsdóttir Maríudóttir,Valgerður S. Bjarnadóttir Skoðun
Mikilvæg gagnrýni eða tilraun til valdayfirtöku í Sósíalistaflokknum? Ása Lind Finnbogadóttir Skoðun