Hefur heimsótt sama jólasveininn í 19 ár

Um þessi jól heimsótti Mackenzie Doig jólasveininn eins og hún hefur gert síðastliðin 19 ár. Mackenzie er 22 ára og hefur hún farið til sama jólasveinsins í öll þessi ár og heimsótt hann í verslunarmiðstöð í Syracuse í New York fylki.

Þetta hófst allt saman þegar stelpan var aðeins þriggja ára. Þegar hún var 14 ára flutti umræddur jólasveinn sig um set og fór að taka á móti börnum í annarri verslunarmiðstöð. Móðir Mackenzie hafði upp á honum, svo dóttirin gæti haldið áfram að heimsækja hann.

„Þegar ég var í grunnskóla fannst mér þetta nokkuð vandræðalegt en núna finnst mér þetta bara fyndið,“ segir Mackenzie í samtali við fréttastofu ABC.