Svo ritar Pálmi Gestsson leikari á síðu sína en eins og Vísir greindi frá í vikunni svipti Ólafur Ragnar Grímsson forseti Íslands Sigurð Einarsson bankamann réttinum til að bera Fálkaorðu sína, þá sem hann var sæmdur 1. janúar árið 2007.
Dapurlegt, smátt, hlálegt og lítið
Fjörlegar umræður skapast um þetta á Facebooksíðu Pálma og þeir eru fleiri sem eru á því að hér sé ekki stórmannleg, af hálfu þeirra Ólafs Ragnars og formanni orðunefndar, Guðna Ágústssyni. Guðni hefur neitað því að þessi orðuveiting standi í nokkru samhengi við það hvort Ólafur Ragnar ætli að gefa kost á sér aftur eða ekki. Samkvæmt Rannsóknarskýrslu Alþingis voru þeir forsetinn og Sigurður miklir mátar og bankamaðurinn tíður gestur á Bessastöðum.
Eiríkur Guðmundsson rithöfundur og útvarpsmaður deilir skoðun Pálma og ritar á sinn Facebookvegg, af sama tilefni:

Svona gera menn ekki
Vilhjálmur H. Vilhjálmsson lögmaður segir: „Svona gera menn ekki,“ og setur með í myllumerki „sparkaðíliggjandimann“ og „hefurríkisvaldiðekkertbetraaðgera“.
Jafnvel einlægir og gegnheilir Framsóknarmenn á borð við Jón Inga Gíslason telja þetta lágkúrulegt en Jón Ingi vitnar, sem og Vilhjálmur, í fleyg orð Davíðs Oddssonar:
„Frægt var þegar maðurinn sem ekki má nefna á nafn sagði sem forsætisráðherra um fyrirhugaða skattlagningu tekna blaðsölubarna "Svona gerir maður bara ekki". það var samt algerlega samkvæmt laganna bókstaf og klikkti í öll box bjúrókratanna. Albanir eiga ekki rétt á leyfi hér. Af hverju er þeim ekki sagt það þá strax. Þegar maður lætur væntingar og tengsl fólksins þróast í mánuði og ár vegna þess að bjúrokratarnir eru að klikka í boxin sín þá á ráðherra bara að segja; Svona gerir maður bara ekki".
Vísir hefur reynt að ná tali af Sigurð Einarsson þá til að inna hann hvernig allt þetta horfi við honum, en ekki haft erindi sem erfiði.