Býr til brýr milli atriða

?Það er ekkert sem lyftir jólaskapinu í hærri hæðir en tónlist og þegar 70 manna hljómsveit mætir börnum og unglingum sem leika listir sínar þá verður töfrastund,? segir Halldóra Geirharðsdóttir, sem verður kynnir á fernum tónleikum Sinfóníuhljómsveitar Íslands í Eldborg í dag og á morgun.

?Ég er gamalreynd í hlutverki kynnis á svona tónleikum og mér finnst það stórkostlegt. Ég er Barbara trúður og bý til brýr milli atriða í dagskránni sem eru hvert öðru flottara,? segir Halldóra og byrjar að telja upp.

?Það eru 319 manns sem koma að tónlistarflutningnum, fyrir utan sinfóníuna eru fjórir kórar frá Langholtskirkju, það er táknmálskórinn Litlu sprotarnir, óperusöngkonan Dísella Lárusdóttir og það er táknmálssöngkonan Kolbrún Völkudóttir.

Líka tveir einleikarar, fiðluhópur Lilju Hjaltadóttur, bjöllukór frá Reykjanesbæ að ógleymdum nemendum úr Skólahljómsveit Árbæjar og Breiðholts. Svo svífa nemendur Listdansskóla Íslands um svið Eldborgar. Þetta er með því fegurra sem ég hef komið nálægt.?