Glamour

Sex hlutir til að gera í óveðrinu

Ritstjórn skrifar
Glamour/getty

Nú er stormurinn Diddú að skella á landinu og fólk er vinsamlegast beðið um að halda sig innandyra. En þá er oft erfitt að finna sér eitthvað skemmtilegt að gera. 

Glamour tók saman nokkra skemmtilega hluti til að gera innandyra á meðan óveðrið gengur yfir, svo engum þurfi nú að leiðast.

Baka
Á meðan það er ekki orðið rafmagnslaust er tilvalið að baka. Það er sennilega fátt notalegra en að kúra undir teppi og borða nýbakaðar smákökur. 

Uppfæra hlaupaplaylistann
Eitt af því sem maður nennir aldrei að gera, er að bæta við nýrri tónlist á hlaupaplaylistann, svo það er fullkomið að nýta tímann á meðan óveðrið gengur yfir og betrumbæta hann. Þá getum við látið okkur hlakka til að mæta á brettið með nýja tóna í eyrunum.

Horfa á förðunarkennslumyndbönd
Notaðu tímann, lærðu ný trix og fáðu innblástur fyrir jóla-og áramótaförðunina. Á Youtube er að finna ógrynni af kennslumyndböndum meðal annars frá Pixiwoo systrunum, Lindu Hallberg, Lisu Eldridge og Charlotte Tilbury

Slaka á
Ef rafmagnið er ekki farið af, slökktu þá flest ljósin, settu á þig andlitsmaska, leggstu niður og slakaðu á. Á youtube og spotify er hægt að finna góða slökunartónlist sem við mælum með að setja á og láta desember stessið líða úr þér.

Hand- og fótsnyrting
Dekraðu við þig og taktu sjálfa þig í hand- og fótsnyrtingu. Skelltu einni góðri bíómynd eða þætti á skjáinn svona rétt á meðan lakkið er að þorna.

Horfðu á góða mynd
Komdu þér vel fyrir í sófanum og settu góða jólamynd í tækið. Ef jólaskapið er ekki mætt á svæðið þá gerði Glamour lista yfir nokkrar góðar tískumyndir, en þar ættu allir að finna eitthvað við sitt hæfi.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.



Velkomin á Vísi. Þessi vefur notar vafrakökur. Sjá nánar.