Glamour

Jólablað Glamour er komið út

Ritstjórn skrifar
Sigrún Eva er forsíðufyrirsæta Glamour í desember.
Sigrún Eva er forsíðufyrirsæta Glamour í desember.

Desemberblað Glamour er komið út - rjúkandi heitt úr prentsmiðjunni í allar helstu verslanir landsins. 

Þetta síðasta blað ársins er stútfullt af fjölbreyttu efni sem allir ættu að hafa gaman af. Ljósmyndarinn Ruvan Wijesooriya sá um að skjóta forsíðþáttinn en forsíðuna sjálfa prýðir íslenska fyrirsætan Sigrún Eva, sem er að gera það gott um þessar mundir. 

Tinna Empera, hárgreiðslukona, sá um hárið í þættinum og Lilja Baldursdóttir framleiddi þáttinn sem var unnin samhliða vinnslu á sýndarveruleikamyndbandi, sem verður frumsýnt á nýju ári. Stílisering var í höndunum á Victoriu Bartlett og hin fyrirsætan í þættinum er Katharine Mackel hjá dna Model Management. 

Hvernig klæðum við okkur? Glamour rýnir í niðurstöður könnunar sem við lögðum fyrir lesendur á vefnum í nóvember, en þar kemur margt forvitnilegt fram ásamt því að fá smekklega Íslendinga til að deila sínum fatavenjum með lesendum. Til dæmis hafa 28 prósent kvenna sem svöruðu könnuninni farið að gráta því þær fundu ekki rétta dressið til fara í út á lífið!

Við skoðum þennan blessaða túrskatt sem hefur verið mikið í umræðunni ásamt því að taka Andreu Maack  tali um nýjasta ilminn hennar en prufa af honum fylgir með blaðinu. 

Jólafötin, glimmer, glys og margt margt fleira í glæsilegu jólablaði sem ómissandi er að næla sér í fyrir hátíðarnar. 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.



Velkomin á Vísi. Þessi vefur notar vafrakökur. Sjá nánar.