Glamour

Svava selur fatalínu Helenu Christensen

Ritstjórn skrifar
Helena Christensen og Svava Johansen.
Helena Christensen og Svava Johansen.
Danska ofurfyrirsætan Helena Christensen er flestum kunn en hún var (og er) ein af vinælustu fyrirsætunum tíunda áratugarins. 

Christensen, sem núna titlar sig sem ljósmyndara, er margt til lista lagt og meðal annars að hanna föt. Skandinavíska fatakeðjan Inwear fékk Christensen til liðs við sig til að hanna fatalínu.

"Ég lærði heilmikið af þessu samstarfi við Inwear og þekki núna hönnunarferlið vel. Ein af mínum fyrstu vinnum var einmitt fyrir Inwear og núna vinn ég fyrir þau aftur, bara á öðrum og áhugaverðum forsendum," segir Christensen um samstarfið. 

Íslendingar fá svo sannarlega sinn skerf af óaðfinnanlegum stíl Christensen en fatalínan er væntanleg í verslunina Companys í Kringlunni í dag. Um er að ræða fjölbreytta línu þar sem hægt er að finna buxnadragt, rúllukragapeysur, pallíettukjóla og fallegar yfirhafnir. Kvenleg og klassísk lína. 



Eigandi Companys, Svava Johansen, hitti einmitt Christensen í kynningarpartý línunnar samhliða dönsku tískuvikunnar í haust og lýsir ofurfyrirsætunni sem "yndisleg, falleg og skemmtileg."

Hér má sjá brot af fatalínunni:



Christensen situr sjálf fyrir í auglýsingaherferðinni.





×