Volvo XC90 R-Design frumsýndur á laugardaginn

Brimborg frumsýnir nýjan Volvo XC90 R-Design á laugardaginn milli kl. 12 og 16 í sýningarsal Volvo, Bíldshöfða 6 í Reykjavík. Volvo XC90 hefur fengið einstakar móttökur um heim allan. Honum var ætlað að marka nýtt upphaf fyrir Volvo og það hefur hann svo sannarlega gert. Nú er komið að því að kynna þennan stórglæsilega 7 manna lúxusjeppa í R-Design sport útfærslu.

XC90 státar af nýrri vélatækni, nýjum öryggiskerfum og nýju útliti en R-Design útfærslan sveipar bílinn enn sportlegra yfirbragði. Grill bílsins og framstuðari eru með sérstöku R-Design útliti, innfelldir púststútarnir eru tvöfaldir og á bílnum eru innfelldir álklæddir þakbogar. Hliðarspeglarnir eru állitaðir og þokuljós eru í framstuðara. Bíllinn kemur á 20” R-Design álfelgum og er búinn fimm valmöguleikum fyrir vél og gírkassa (Comfort, Eco, Dynamic, Off-road eða Individual). Veghæð XC90 er mjög mikil, eða 23,7 cm undir lægsta punkt.

Mikið er um lúxus í innra rými bílsins. Má þar nefna sérstök R-Design sportsæti og stýri, 12,3” TFT mælaborð, Metal Mesh klæðningu í mælaborði, High Level LED lýsingu, upplýsta sílsalista, rafdrifin framsæti og svartan topp í innréttingu. Eldsneytisnotkun nýju D5 dísilvélarinnar í blönduðum akstri er 5,8 l/100 km og CO2 losun er 152 g/km. Brimborg hvetur áhugsama að koma á frumsýningu á laugardaginn, gæða sér á gæðakaffi frá Kaffitár og kynna sér bíl ársins 2016 á Íslandi.