Lögreglan leitar að Martinu

Lögreglan á höfuðborgarsvæðinu leitar Martinu Rommelfanger, 25 ára konu frá Þýskalandi. Martina fór frá dvalarstað sínum að Bólstaðarhlíð á laugardaginn var, en ekkert hefur spurst til hennar síðan, að því er segir í tilkynningu frá lögreglu.

Hún var klædd í dökkbláa úlpu, sem sjá má á meðfylgjandi mynd, en nánari lýsing á klæðnaði hennar liggur ekki fyrir. Þeir sem kunna að hafa upplýsingar um ferðir hennar eru beðnir um að hafa samband við lögregluna í síma 444-1000.