Lífið

Bubbalög á Útvarpi Sögu heyra sögunni til

Kolbeinn Tumi Daðason skrifar
"Bann þetta gildir svo lengi sem Útvarp Saga heldur áfram að ala á fordómum og mannhatri,“ segir Bubbi.
"Bann þetta gildir svo lengi sem Útvarp Saga heldur áfram að ala á fordómum og mannhatri,“ segir Bubbi. Vísir/GVA
Bobbi Morthens hefur sent útvarpsstöðinni Útvarpi Sögu tóninn og segir stöðina ala á fordómum og mannhatri. Hann segist meina stöðinni að spila lög sem hann hefur samið eða muni semja í framtíðinni nema breyting verði á hjá stöðinni.

Niðurstöðurnar í skoðanakönnuninni umdeildu. Smellið á myndina til að sjá hana stærri.
Útvarpsstöðin efndi til umdeildrar skoðanakönnunar á vefsíðu sinni á dögunum þar sem spurt var hvort múslimum væri treystandi, já eða nei. Óhætt er að segja að könnunin hafi vakið athygli en 4614 manns tóku þátt.

Var áberandi að fjölmargir hvöttu til þess á samfélagsmiðlum að fólk tæki þátt í könnuninni þegar þeim blöskraði að allt stefndi í að afgerandi hluti fólks svaraði könnuninni neitandi. Sjaldan hefur þátttaka í könnun á stöðinni verið jafnmikil en niðurstöðurnar má sjá hér til hliðar.

„Bann þetta gildir svo lengi sem Útvarp Saga heldur áfram að ala á fordómum og mannhatri. Skömm þeirra og heimska er algör, það er ömurlegt að vita til þess að fullorðið fólk sem hefur alist upp í kærleika býst ég við skuli þrífast í þeim andlega skugga sem liggur yfir hljóðstofu útvarpsins sögu,“ segir Bubbi.

Ljótu hálvitarnir sendu útvarpsstöðinni sambærileg skilaboð fyrr í dag eins og fjallað var um á Vísi.

Hér með kunngjörist að ljósvakamiðlinum Útvarpi Sögu er með öllu meinað að spila lög eftir mig Bubba Morthens sem og öll...

Posted by Bubbi Morthens on Tuesday, September 22, 2015


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.