Fannst látinn í Seyðisfirði

Erlendur maður sem björgunarsveitir á Austurlandi hófu leit að síðdegis í dag fannst látinn nú fyrr í kvöld. Lögregla vill takmarkaðar upplýsingar veita um málið að svo stöddu, þar sem verið er að koma upplýsingum til aðstandenda mannsins í útlöndum.

Ekkert hafði spurst til mannsins frá því á þriðjudag en bíll hans hefur staðið við Fjarðarselvirkjun undanfarna daga. Samkvæmt upplýsingum frá lögreglunni á Austurlandi fannst lík mannsins í fjallendi.

Björgunarsveitir allt frá Djúpavogi að Vopnafirði voru kallaðar út til leitar í dag ásamt þyrlu Landhelgisgæslunnar.