Glamour

„Eins og að vera í öskubuskuævintýri“

Ritstjórn skrifar
„Þetta var svolítið eins og að vera í öskubuskuævintýri. Maður fór bara beint úr reiðbuxunum í flott dress, svo var þetta allt í einu búið,“ segir Lilja Pálmadóttir eiginkona leikstjórans Baltasars Kormáks.

Þau voru stödd á frumsýningu nýjustu kvikmyndar Baltasars, Everest, á kvikmyndahátíðinni í Feneyjum í gær.

Lilja klæddist glæsilegum hvítum kjól úr smiðju Alexander McQueen. Dresscode á hátíðinni var Black tie gala. „Ég var nú ekki lengi að finna hann, tók mig kannski tvo daga.“

Lilja Pálmadóttir og Baltasar Kormákur í Feneyjum.Vísir/AFP
Hún segir þetta hafa verið mjög sérstaka reynslu að ganga rauða dregilinn. „Þetta var svolítið taugatrekkjandi, en mikið ævintýri. Maður er nú ekkert vanur að ganga svona dregil svo maður þurfti að setja sig í ákveðnar stellingar og svo bara hent út í djúpu laugina.“

Lilja er að vonum stolt af sínum manni. „Þetta er ógeðslega flott hjá honum, þetta er búið að vera mikil vinna og mikið álag á alla sem koma að gerð svona stórvirkis sem þessi mynd er. Ég er rosalega stolt.“ 



Fylgstu með Glamour á Instagram og á Facebook.






Velkomin á Vísi. Þessi vefur notar vafrakökur. Sjá nánar.