Glamour

Caroline de Maigret fyrir Lancôme

Ritstjórn skrifar

Franska fyrirsætan og tískuíkonið Caroline de Maigret hefur hannað förðunarlínu fyrir Lancôme og er hún komin í verslanir hér heima, en beðið hefur verið eftir línunni með eftirvæntingu.

Caroline er þekkt fyrir sinn áreynslulausa, franska stíl og ber línan greinilega þess merki. Litapallettan hentar öllum, hlýjir brúnir og fjólubláir tónar í augnskuggum í bland við nude og ekta Parísar rauða varaliti. 

Hér fyrir neðan má sjá myndband þar sem förðunarmeistari Lancôme, Lisa Eldridge, farðar Caroline með nýju línunni.


Línan í heild sinni

Bók Caroline, How To Be Parisian, sem hún skrifaði ásamt þeim Anne Berest, Audrey Diwan og Sophie Mas hefur slegið í gegn frá því að hún kom út árið 2013. Í þeirri bók má finna einföld og skemmtileg ráð hvernig þú getir fundið þína innri frönsku konu, en þær eru jú þekktar fyrir að vera einstaklega smekklegar.

Caroline starfar einnig sem fyrirsæta og gekk meðal annars pallana fyrir Chanel í vetur.

Nýtt Glamour er komið í allar helstu verslanir - tryggðu þér eintak!


Fylgstu með Glamour á Instagram og á Facebook.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.



Velkomin á Vísi. Þessi vefur notar vafrakökur. Sjá nánar.