Innlent

Arngrímur komst sjálfur út úr vélinni

Birgir Olgeirsson skrifar
Flak Beaver-sjóflugvélar Arngríms Jóhannssonar á slysstað í Barkárdal. Myndina tók Landhelgisgæslan þegar hún flutti flugslysanefnd á vettvang slyssins í dag.
Flak Beaver-sjóflugvélar Arngríms Jóhannssonar á slysstað í Barkárdal. Myndina tók Landhelgisgæslan þegar hún flutti flugslysanefnd á vettvang slyssins í dag. Vísir/LHG
Arngrímur Jóhannsson kom sér sjálfur út úr sjóflugvél af gerðinni Beaver sem brotlenti í Barkárdal í gær. Þetta kemur fram á vef fréttastofu Ríkisútvarpsins sem segir vélina hafa verið mikið brunna þegar leitarmenn komu að henni í gærkvöldi.

RÚV segir Arngrím hafa verið með meðvitund þegar hann fannst. Hann er sagður hafa brunnið á höndum og andliti en sé ekki í lífshættu. Kanadískur karlmaður var með honum í vélinni en hann var látinn þegar björgunarmenn komu á vettvang.

Sjá einnig: Rannsóknarnefndin á leið á slysstað: Tryggja vettvang og hverful sönnunargögn

Það var þyrla Landhelgisgæslunnar sem fann sjóflugvélina í fjallshlíð innarlega í Barkárdal, norður af Hörgárdal, eftir um þriggja og hálfs tíma umfangsmikla leit í gær. Vélin lagði af stað frá Akureyri klukkan 14 en áætluð lending var í Keflavík klukkan 16:20. Þegar flugvélin skilaði sér ekki þangað var farið að svipast um eftir henni. Klukkan 17 var lýst yfir neyðarástandi en vélin fannst klukkan 20.29. Um þrjátíu kílómetrar eru frá flugvellinum á Akureyri að slysstað í Barkárdal í beinni loftlínu.


Tengdar fréttir

Flugmaðurinn sem komst lífs af þaulreyndur

Hinn látni var kanadískur en samkvæmt heimildum fréttastofu er sá sem komst lífs af Arngrímur Jóhannsson, fyrrverandi eigandi flugfélagsins Atlanta, og þaulreyndur flugmaður.

Ekkert neyðarkall barst frá flugvélinni

Einn lést þegar flugvél með tveimur mönnum um borð hrapaði í gær. Vélin tók á loft frá Akureyri og var á leið til Keflavíkur. Rannsóknarnefnd samgönguslysa og lögreglan á Norðurlandi eystra rannsaka tildrög slyssins.

Með alvarlega áverka eftir flugslysið

Þyrla Landhelgisgæslunnar fann sjóflugvélina í fjallshlíð innarlega í Barkárdal, norður af Hörgárdal, eftir um þriggja og hálfs tíma umfangsmikla leit.




Fleiri fréttir

Sjá meira


×