Ágústblað Glamour komið út!

Fimmta tölublað Glamour er komið út, ágústblaðið, þar sem brakandi fersk hausttískan tekur stórt pláss. 

Forsíðuna prýðir úkraínska fyrirsætan Iana Godnia en ljósmyndari er Hörður Ingason og stílisering höndunum á Ellen Lofts. Myndaþátturinn, sem ber nafnið Smells Like Teen Spirit, var skotinn í Kaupmannahöfn. 

Iana Godnia sló algerlega í gegn í fyrra þegar hún gekk tískupallana fyrir stærstu tískuhúsin eins og Louis Vuitton, Calvin Klein og Alexander McQueen. Iana hefur birst á síðum tímarita á borð við rússneska Vogue og Elle.

Hörður Ingason er ljómyndarinn á bakvið forsíðuþáttinn að þessu sinni. 

Hann fæddur og uppalinn á Íslandi en býr nú og starfar í Kaupmannahöfn þar sem hann hefur unnið fyrir tímarit á borð við Euroman, Costume, Elle UK, i-D og Cover Magazine. Einnig hefur hann myndað auglýsingaherferðir fyrir til dæmis Wood Wood, Stine Goya og Part Two.

Ellen Lofts stíliseraði forsíðuþáttinn Smells Like Teen Spirit.

Ellen er stílisti og leikstjóri sem býr og starfar í Kaupmannahöfn. Hún lærði tísku markaðsfræði í Barcelona og London. Hún hefur unnið fyrir tímarit á borð við I-D Magazine, ELLE og Euroman ásamt því að vera listrænn stjórnandi hjá íslenska fatamerkinu Sigga Maija



Nýtt Glamour er komið í allar helstu verslanir - tryggðu þér eintak!

Fylgstu með Glamour á Instagram og á Facebook.