Mun ekki komast til Ríó með landsliðinu

John Wall er mjög raunsær um möguleika sína á því að komast í bandaríska landsliðið fyrir ÓL í Ríó.

Hann var beðinn um að meta líkur sínar á því að fá sæti í hópnum og svaraði mjög heiðarlega.

„Chris Paul er búinn að vinna Ólympíugull, Steph Curry var ótrúlegur í fyrra og vann HM rétt eins og Kyrie Irving. Svo verður Russell Westbrook líklega í leiðinni. Hann verður á bekknum þannig að ég mun líklega ekki komast í hópinn," sagði Wall.

Þrátt fyrir þennan spádóm ætlar Wall að reyna að komast í liðið og æfði með hópnum í síðustu viku. Hann sagðist hafa notið þess.