Kominn tími á nýtt efni frá Mugison Gunnar Leó Pálsson skrifar 12. júní 2015 08:00 Mugison og Pétur Ben komu fram á þremur listahátíðum í Belgíu með barokkhópnum. Örn Elías Guðmundsson, betur þekktur undir nafninu Mugison, hefur að undanförnu haft í nógu að snúast og er nýkominn heim eftir mikla barokkævintýraferð. „Ég var í miklu barokkævintýri í Belgíu. Þetta er verkefni sem við Pétur Ben vorum saman í. Við vorum að semja tónlist fyrir barokkhóp í Belgíu sem var mjög skemmtilegt,“ segir Mugison spurður út í ævintýrið. Verkefnið kom til þegar Mugison var að hita upp fyrir hljómsveitina Of Monsters and Men í Brussel árið 2013 og kynntist þar manni sem vildi ólmur fá Vestfirðinginn til þess að semja tónlist fyrir tónlistarhópinn sinn. „Já, ég rakst á þennan fína náunga í Brussel þegar ég var á leiðinni að hitta frænda á bar í Brussel og hann vissi hver ég var. Svo eftir smá þá kom í ljós að hann langaði að fá mig til þess að semja músík fyrir hópinn sinn en hann er listrænn stjórnandi hópsins. Þessi náungi er svona blanda af Íþróttaálfinum og Laxness, mjög flippaður og kúltíveraður, þrælskemmtilegur náungi,“ segir Mugison um kappann. Kom svo að því að þeir Pétur Ben fóru til Belgíu til þess að hitta hann og hópinn og æfa þau verk sem Mugison hafði samið. Hópurinn hefur nú þegar spilað á þremur listahátíðum í Belgíu. „Við vorum þarna úti eiginlega allan maímánuð. Það var virkilega gaman að semja tónlist á svona sérstök hljóðfæri. Við æfðum þarna úti í svona tíu daga sem er svolítið öðruvísi en þegar maður hefur verið að vinna almennt með atvinnuhljóðfæraleikurum hér heima. Maður er með þá í kannski hálfan dag í stúdíóinu en þarna var þetta allt æft í drasl,“ segir Mugison um ferlið.mikil gleði Mugison og Pétur Ben komu fram á þremur listahátíðum í Belgíu með barokkhópnum.Eitthvað af því efni sem Mugison vann í Belgíu fer á nýja plötu sem hann vinnur nú að hörðum höndum. „Það er eiginlega búið að velja lögin á plötuna og ég búinn með alla grunnana. Eitthvað af þessu efni fer á plötuna,“ segir Mugison, sem var einmitt á fullu í skúrnum í Súðavík að vinna í tónlistinni þegar blaðamaður náði tali af honum. Mugison setti nýtt lag á netið í vikunni sem heitir Lazing On. „Við hjónin fórum með strákana niður á strönd upp úr miðnætti einhvern tíma síðasta sumar, það var ótrúleg upplifun, synda í sjónum, tunglið og sólin, bjart sem dagur, algjör galdur – ég varð að reyna að fanga þetta í lag,“ segir Mugison um lagið. Hann gaf út plötuna Haglél árið 2011 og er hún ein mest selda plata íslenskrar tónlistarsögu og seldist í um 32.000 eintökum á útgáfuárinu. Er ekki smá pressa á þér og næstu plötu? „Jú, ég finn að það er kominn tími á nýtt efni. Ég er samt sem áður minn versti gagnrýnandi, þegar ég er að búa til rólegt lag öskrar einhvers konar innri vitleysingur: „Hættu þessu væli!“ og þegar ég er að vinna eitthvað sem mér finnst töff segir hann: „Djöfulsins tilgerð“.“Umfjöllun um tónleikana í belgíska blaðinu, De Standaard.Hann segir jafnframt tónlistarstíl plötunnar fjölbreyttan. „Ætli tónlistarstefnan á plötunni fari ekki bara vítt og breitt. Ég veit ekki alveg hvernig þetta endar.“ Hann langar mikið til þess að fara í tónleikaferð í byrjun október. „Ef ég ætla að fara að túra í október þá þarf platan að vera tilbúin í ágúst, sérstaklega ef maður ætlar að föndra aftur sjálfur,“ segir Mugison sem ætlar að föndra næsta plötuumslag líkt og hann gerði við síðustu plötu. „Það eru flestir orðnir þreyttir á þessu föndri í kringum mig en það er bara svo gaman að búa til eitthvað svona.“ Mugison kemur fram á Secret Solstice-hátíðinni síðar í mánuðinum og vonast til þess að geta leikið þar tvö til þrjú ný lög. Þetta verða jafnframt einu tónleikarnir hans í sumar, eða þar til að nýja platan verður tilbúin.Lazing On flúkkunýtt lag, hvernig líst þér á? / Lazing On first single from my next album, how do you like it?Posted by mugison on Tuesday, June 9, 2015 Tónlist Mest lesið Heitustu trendin fyrir sumarið 2024 Lífið Fantaflott með frönskum gluggum í Vesturbænum Lífið Elísabet og Áki nefndu stúlkuna Lífið „Lítið rauðhært kríli væntanlegt í nóvember“ Lífið Af vængjum fram: „Krakkar, ekki gera þetta heima“ Lífið Forseti Hæstaréttar og Kristján Loftsson í gámapartýi Lífið Elín Hall í rándýrum kjól á rauða dreglinum Lífið Alltaf með jager skot í töskunni Tíska og hönnun Stóðu upp og klöppuðu í fimm mínútur fyrir Ljósbroti Bíó og sjónvarp Ásdís Rán býður forsetaefnum á rauða dregilinn Lífið Fleiri fréttir Elísabet og Áki nefndu stúlkuna Fantaflott með frönskum gluggum í Vesturbænum Heitustu trendin fyrir sumarið 2024 „Lítið rauðhært kríli væntanlegt í nóvember“ Segir sjálfsvígin sárust Elín Hall í rándýrum kjól á rauða dreglinum Bein útsending frá svartþrastahreiðri í Hvalfjarðarsveit Ásdís Rán býður forsetaefnum á rauða dregilinn Horfir vonandi niður af himnum og sér börnin blómstra á bóndabænum Smekklegt einbýli í Fossvogi á 230 milljónir Af vængjum fram: „Krakkar, ekki gera þetta heima“ Þórdís Björk og Júlí Heiðar eignuðust hárprúða stúlku Föruneyti Pingsins: Enn barist í Baldurs Gate Forseti Hæstaréttar og Kristján Loftsson í gámapartýi Óvænt að „gáfumannarapparar“ herji stríð af þessu tagi Matti og tengdó selja 220 milljóna króna einbýlishús Baltasar og Sunneva afhjúpa kynið Endurtekið hvött til að hvíla bláa litinn Gleðitár hjá hundrað konum á Geysi Af vængjum fram: Búlgörsku mafíunni að mæta yrði Ásdísi dömpað „Eru endaþarmsmök hættuleg?“ Biggi Maus breiðir yfir Frikka Dór Farnar á hestbak eins og hálfs og fjögurra ára Fleiri sniðgengu en ekki Von á ákæru eftir spennuþrungna daga í Malmö Inga Lind selur íbúð við Valshlíð „Þetta er náttúrulega sorgarsaga okkar Íslendinga“ Magnús Scheving og Hrefna glæsileg á opnun Sjálands Fann fíkniefnin strax Þátttaka Ísraela hafi skemmt mikið Sjá meira
Örn Elías Guðmundsson, betur þekktur undir nafninu Mugison, hefur að undanförnu haft í nógu að snúast og er nýkominn heim eftir mikla barokkævintýraferð. „Ég var í miklu barokkævintýri í Belgíu. Þetta er verkefni sem við Pétur Ben vorum saman í. Við vorum að semja tónlist fyrir barokkhóp í Belgíu sem var mjög skemmtilegt,“ segir Mugison spurður út í ævintýrið. Verkefnið kom til þegar Mugison var að hita upp fyrir hljómsveitina Of Monsters and Men í Brussel árið 2013 og kynntist þar manni sem vildi ólmur fá Vestfirðinginn til þess að semja tónlist fyrir tónlistarhópinn sinn. „Já, ég rakst á þennan fína náunga í Brussel þegar ég var á leiðinni að hitta frænda á bar í Brussel og hann vissi hver ég var. Svo eftir smá þá kom í ljós að hann langaði að fá mig til þess að semja músík fyrir hópinn sinn en hann er listrænn stjórnandi hópsins. Þessi náungi er svona blanda af Íþróttaálfinum og Laxness, mjög flippaður og kúltíveraður, þrælskemmtilegur náungi,“ segir Mugison um kappann. Kom svo að því að þeir Pétur Ben fóru til Belgíu til þess að hitta hann og hópinn og æfa þau verk sem Mugison hafði samið. Hópurinn hefur nú þegar spilað á þremur listahátíðum í Belgíu. „Við vorum þarna úti eiginlega allan maímánuð. Það var virkilega gaman að semja tónlist á svona sérstök hljóðfæri. Við æfðum þarna úti í svona tíu daga sem er svolítið öðruvísi en þegar maður hefur verið að vinna almennt með atvinnuhljóðfæraleikurum hér heima. Maður er með þá í kannski hálfan dag í stúdíóinu en þarna var þetta allt æft í drasl,“ segir Mugison um ferlið.mikil gleði Mugison og Pétur Ben komu fram á þremur listahátíðum í Belgíu með barokkhópnum.Eitthvað af því efni sem Mugison vann í Belgíu fer á nýja plötu sem hann vinnur nú að hörðum höndum. „Það er eiginlega búið að velja lögin á plötuna og ég búinn með alla grunnana. Eitthvað af þessu efni fer á plötuna,“ segir Mugison, sem var einmitt á fullu í skúrnum í Súðavík að vinna í tónlistinni þegar blaðamaður náði tali af honum. Mugison setti nýtt lag á netið í vikunni sem heitir Lazing On. „Við hjónin fórum með strákana niður á strönd upp úr miðnætti einhvern tíma síðasta sumar, það var ótrúleg upplifun, synda í sjónum, tunglið og sólin, bjart sem dagur, algjör galdur – ég varð að reyna að fanga þetta í lag,“ segir Mugison um lagið. Hann gaf út plötuna Haglél árið 2011 og er hún ein mest selda plata íslenskrar tónlistarsögu og seldist í um 32.000 eintökum á útgáfuárinu. Er ekki smá pressa á þér og næstu plötu? „Jú, ég finn að það er kominn tími á nýtt efni. Ég er samt sem áður minn versti gagnrýnandi, þegar ég er að búa til rólegt lag öskrar einhvers konar innri vitleysingur: „Hættu þessu væli!“ og þegar ég er að vinna eitthvað sem mér finnst töff segir hann: „Djöfulsins tilgerð“.“Umfjöllun um tónleikana í belgíska blaðinu, De Standaard.Hann segir jafnframt tónlistarstíl plötunnar fjölbreyttan. „Ætli tónlistarstefnan á plötunni fari ekki bara vítt og breitt. Ég veit ekki alveg hvernig þetta endar.“ Hann langar mikið til þess að fara í tónleikaferð í byrjun október. „Ef ég ætla að fara að túra í október þá þarf platan að vera tilbúin í ágúst, sérstaklega ef maður ætlar að föndra aftur sjálfur,“ segir Mugison sem ætlar að föndra næsta plötuumslag líkt og hann gerði við síðustu plötu. „Það eru flestir orðnir þreyttir á þessu föndri í kringum mig en það er bara svo gaman að búa til eitthvað svona.“ Mugison kemur fram á Secret Solstice-hátíðinni síðar í mánuðinum og vonast til þess að geta leikið þar tvö til þrjú ný lög. Þetta verða jafnframt einu tónleikarnir hans í sumar, eða þar til að nýja platan verður tilbúin.Lazing On flúkkunýtt lag, hvernig líst þér á? / Lazing On first single from my next album, how do you like it?Posted by mugison on Tuesday, June 9, 2015
Tónlist Mest lesið Heitustu trendin fyrir sumarið 2024 Lífið Fantaflott með frönskum gluggum í Vesturbænum Lífið Elísabet og Áki nefndu stúlkuna Lífið „Lítið rauðhært kríli væntanlegt í nóvember“ Lífið Af vængjum fram: „Krakkar, ekki gera þetta heima“ Lífið Forseti Hæstaréttar og Kristján Loftsson í gámapartýi Lífið Elín Hall í rándýrum kjól á rauða dreglinum Lífið Alltaf með jager skot í töskunni Tíska og hönnun Stóðu upp og klöppuðu í fimm mínútur fyrir Ljósbroti Bíó og sjónvarp Ásdís Rán býður forsetaefnum á rauða dregilinn Lífið Fleiri fréttir Elísabet og Áki nefndu stúlkuna Fantaflott með frönskum gluggum í Vesturbænum Heitustu trendin fyrir sumarið 2024 „Lítið rauðhært kríli væntanlegt í nóvember“ Segir sjálfsvígin sárust Elín Hall í rándýrum kjól á rauða dreglinum Bein útsending frá svartþrastahreiðri í Hvalfjarðarsveit Ásdís Rán býður forsetaefnum á rauða dregilinn Horfir vonandi niður af himnum og sér börnin blómstra á bóndabænum Smekklegt einbýli í Fossvogi á 230 milljónir Af vængjum fram: „Krakkar, ekki gera þetta heima“ Þórdís Björk og Júlí Heiðar eignuðust hárprúða stúlku Föruneyti Pingsins: Enn barist í Baldurs Gate Forseti Hæstaréttar og Kristján Loftsson í gámapartýi Óvænt að „gáfumannarapparar“ herji stríð af þessu tagi Matti og tengdó selja 220 milljóna króna einbýlishús Baltasar og Sunneva afhjúpa kynið Endurtekið hvött til að hvíla bláa litinn Gleðitár hjá hundrað konum á Geysi Af vængjum fram: Búlgörsku mafíunni að mæta yrði Ásdísi dömpað „Eru endaþarmsmök hættuleg?“ Biggi Maus breiðir yfir Frikka Dór Farnar á hestbak eins og hálfs og fjögurra ára Fleiri sniðgengu en ekki Von á ákæru eftir spennuþrungna daga í Malmö Inga Lind selur íbúð við Valshlíð „Þetta er náttúrulega sorgarsaga okkar Íslendinga“ Magnús Scheving og Hrefna glæsileg á opnun Sjálands Fann fíkniefnin strax Þátttaka Ísraela hafi skemmt mikið Sjá meira