Amy Schumer klæddi sig sem Leia-prinsessa

Einn vinsælasti grínisti Bandaríkjanna, Amy Schumer, prýðir forsíðu nýjasta heftis tímaritsins GQ.

Þar skartar hún sama klæðnaði og Leia-pinsessa var neydd til að klæðast þegar hún var fangi Jabba the Hutt í stjörnustríðsmyndinni Return of the Jedi.

Þetta uppátæki er vísun í val GQ-tímaritsins á Schumer sem fyndnustu konu vetrarbrautarinnar en blaðið kemur ekki út fyrr en á mánudag.

Nýjasta kvikmynd hennar, Trainwreck, verður frumsýnd í Bandaríkjunum á morgun en myndin verður tekin til sýninga hér á landi í næstu viku.