Sumar og sól í baðkarinu

Veðurstofan spáir að sumar og vetur muni frjósa saman sem á að boða gott veður.

Það er kannski of kalt til að fara í Nauthólfsvík með börnin en þá má skapa skemmtilega strandarstemmingu heima í baðkarinu.

- Hækkaðu í ofninum inni á baði og lokaðu glugganum, nú skal skapa suðræna og hlýja stemmingu.

- Til að gefa baðvatninu ævintýralegan blæ má setja smávegis af bláum matarlit út í baðvatnið.

- Finndu fötu og skóflu og notaðu sem baðdót.

- Ef þú átt skeljar og steina þá er ekki verra að skreyta baðherbergið aðeins með  því og setja ofan í baðið.

- Börnum gæti þótt gaman að fara í sundföt og vera með sundgleraugu eða sólgleraugu

- Búðu til "strandarsand". Blandaðu saman Epsom salti eða grófu sjávarsalti, rakfroðu og smávegis af matarlit og leyfðu börnunum að maka út vegginn, teikna myndir með fingrum eða moka ofan í fötu.

- Kveiktu á tónlist og spilaðu sumarleg lög eða bara uppáhalds lög barnsins

- Ef þú átt sápukúlur þá er þetta kjörin stund til að blása smávegis af þeim inni á baði

Gleðilegt sumar og góða skemmtun.