Íslenskir frumkvöðlar vilja koma orkustykki úr krybbum á markað Bjarki Ármannsson skrifar 14. apríl 2015 09:30 Stefán Atli og Búi Bjarmar vilja fá Íslendinga til að leggja sér skordýr til munns. Myndir/Jungle Bar/EPA Orkustykkið Jungle Bar, sem meðal annars er búið til úr krybbum, er hugarfóstur þeirra Búa Bjarmar Aðalsteinssonar og Stefáns Atla Thoroddsen. Jungle Bar er meðal annars ætlað að vekja fólk á Vesturlöndum til umhugsunar um þá ókönnuðu möguleika sem felast í því að rækta skordýr til matvælagerðar, en þeir Búi og Stefán sjá fram á að geta komið vörunni í sölu seinna á árinu eftir að Kickstarter-söfnun þeirra fór vel af stað. „Skordýr henta bæði í sætindi, brauðmeti og svo eitthvað sem myndi frekar líkjast kjötmeti,“ útskýrir Búi. „Vonandi verður þetta varan sem fær fólk til að taka fyrsta skrefið og svo getum við byrjað að vinna að svona inngripsmeiri vörum, pöddulasagne eða pöddupulsur eða hvað sem er.“ Búi vakti athygli í fjölmiðlum hér á landi sem og í erlendum miðlum síðasta sumar fyrir uppfinninguna „Fly factory,“ vélrænt skordýrabú sem hefur það að markmiði að ala lirfur í matargerð. Það verkefni var, líkt og Jungle Bar, að einhverju leyti innblásið af lestri skýrslu FAO, landbúnaðararms Sameinuðu þjóðanna, um stöðu landbúnaðar í Evrópu.Pakkningin á Jungle Bar orkustykkinu.Mynd/Jungle Bar„Staðan er bara þannig í Evrópu að eftir tuttugu ár, þá verður bara ekki meira land eftir,“ segir Búi. „Þá þarf annað hvort að bæta við landi eða flytja inn frá Asíu. Þeir hjá Sameinuðu þjóðunum bentu á það að skordýr gætu mögulega verið svarið.“ Hugmyndasmiðirnir telja það því mjög mikilvægt að kynna Vesturlandabúum möguleikana sem felast í því að leggja sér skordýr til matar, nokkuð sem aldrei hefur slegið í gegn hér á landi en þykir sjálfsagður hlutur í mörgum öðrum heimshlutum. Ekki skemmi fyrir að þó reglur um skordýr í matvælaframleiðslu séu enn sem komið er nokkuð óskýrar hér á landi, sem og í öðrum Evrópulöndum, bendi allt til þess að Ísland gæti hentað stórvel til slíkrar framleiðslu. „Það eru miklir möguleikar fyrir Ísland að hasla sér völl á þessu sviði,“ segir Búi. „Við höfum náttúrulega heilmikið af vatni, heilmikið af plássi og það er ekki mikil áhætta ef þessi skordýr sleppa út. Þau myndu náttúrulega ekki lifa nema þessa þrjá sumardaga í júní.“ Öll þróunarvinna fyrir Jungle Bar var unnin á Íslandi, meðal annars með styrkjum frá Nýsköpunarmiðstöð Íslands og Rannís. Þeir Búi og Stefán þurftu þó að leita út fyrir landsteinana til að finna fyrirtæki til að fjöldaframleiða vöruna. Það fundu þeir í Kanada og þaðan munu fyrstu framleiddu stykkin berast í vikunni.Stykkin smökkuð.Mynd/Jungle Bar„Strax og við fáum fjármagnið getum við farið út í fyrstu stóru framleiðsluna okkar,“ segir Búi, en söfnun þeirra á vefsíðunni Kickstarter hefur farið mjög vel af stað. Á aðeins fimm dögum hafa safnast rúmlega 6,700 Bandaríkjadalir af þeim fimmtán þúsund (rúmlega tvær milljónir íslenskra króna) sem þeir ætla sér að safna. „Þá tekur bara við að fá til okkar dreifingar- og söluaðila. Nú þegar höfum við selt í kringum tvö, þrjú þúsund stykki án þess að fólk hafi fengið að sjá vöruna. Það hlýtur að vera til marks um að það sé hægt að selja þetta úti í búð.“ En þá stendur bara ein spurning eftir: Hvernig bragðast orkustykki sem búið er til úr krybbum? „Stykkið sjálft er bara svipað og önnur prótínstykki,“ segir Búi. „Það er talsvert betra, því prótínið úr skordýrum er talsvert betra á bragðið en soja- og mysuprótín. En annars er þetta prótín svipað og þú færð úr harðfiski eða kjöti, með öllum helstu amínósýrum sem líkaminn þarf. Við erum búnir að leyfa í kringum 2500 manns að smakka, á Íslandi, Danmörku og Hollandi. Það er alltaf þannig að fyrst þegar fólk heyrir þetta, án þess að sjá vöruna, er það mjög skeptískt. Þeim finnst þetta hálfgert grín. En þegar fólk sér að þetta lítur bara út eins og venjulegt orkustykki, þá lætur það sig hafa það. Það er alveg yndislega skemmtilegt þegar maður heyrir miðaldra konur segja hvor við aðra, þetta er nú ekki alslæmt.“ Tengdar fréttir Íslendingur í heimspressuna fyrir skordýramatargerð Búi Bjarmar Aðalsteinsson hefur hannað lirfubú sem á að breyta nálgun okkar á matvælaframleiðslu. 4. júní 2014 11:49 Mest lesið Olís sektað um kvartmilljón vegna fullyrðinga um kolefnisjöfnun Neytendur Tíu prósenta tollur á færeyskar vörur Viðskipti erlent Ferðum Play til London, Parísar og Berlínar „sjálfhætt“ Viðskipti innlent Seldi íbúðina og keypti Bitcoin í staðinn Viðskipti innlent Tímabundin dreifing á sjónvarpsefni Sýnar hjá Símanum Viðskipti innlent Hækkun tolla eins og þruma úr heiðskíru lofti Viðskipti innlent Fyrsta íslenska grænkera ostagerðin í hættu Viðskipti innlent Forstjóraskipti hjá Ice-Group Viðskipti innlent Leist ekki á hagtölur og rak yfirmann stofnunarinnar Viðskipti erlent Hvalur hf. stefnir íslenska ríkinu Viðskipti innlent Fleiri fréttir Tímabundin dreifing á sjónvarpsefni Sýnar hjá Símanum Hækkun tolla eins og þruma úr heiðskíru lofti Forstjóraskipti hjá Ice-Group Kísiltollar gætu vel endað fyrir gerðardómi Hvalur hf. stefnir íslenska ríkinu Arion hagnaðist um tíu milljarða á öðrum fjórðungi Ferðum Play til London, Parísar og Berlínar „sjálfhætt“ Festi hagnast umfram væntingar Þota Play komin úr viðgerð eftir skemmdir vegna hagléls Evrópa verði upp á Kína komin verði af tollunum Sigurður viðskiptastjóri innviðalausna hjá Ofar Hagnaður minnkar um 38 prósent og arðgreiðsla óákveðin Funda með ráðherra vegna tollanna: „Ég ætla ekki að setjast í neitt dómarasæti“ Á ég að greiða inn á lánið eða spara? Loksins, mathöllin og fleiri staðir fá nýja rekstraraðila „Við erum að bæta við atvinnustoð í samfélaginu“ Kristján og Leó kaupa Landsbankahúsið á tæpa þrjá milljarða Sjómönnum sagt upp: Skipulagsbreytingar vegna veiðigjalda Vaxtalækkun í ágúst sé nánast útilokuð Opnuðu loks Hygge eftir 245 daga bið Verðbólgan hjaðnar á ný Gáfust upp á Facebook og opna verslun fyrir notaðar íþróttavörur Endurskipuleggja reksturinn „í vinsemd og virðingu“ Tekjur jukust um helming milli ára Hátt í þrjátíu sagt upp hjá Play Gengið rétti lítillega úr kútnum en hefur aldrei verið lægra Róðurinn þungur en hefur ekki áhyggjur af Play HBO Max streymisveitan komin til Íslands Gengi Play í frjálsu falli Alþjóðlegt bílafyrirtæki kaupir Öskju og systurfélög Sjá meira
Orkustykkið Jungle Bar, sem meðal annars er búið til úr krybbum, er hugarfóstur þeirra Búa Bjarmar Aðalsteinssonar og Stefáns Atla Thoroddsen. Jungle Bar er meðal annars ætlað að vekja fólk á Vesturlöndum til umhugsunar um þá ókönnuðu möguleika sem felast í því að rækta skordýr til matvælagerðar, en þeir Búi og Stefán sjá fram á að geta komið vörunni í sölu seinna á árinu eftir að Kickstarter-söfnun þeirra fór vel af stað. „Skordýr henta bæði í sætindi, brauðmeti og svo eitthvað sem myndi frekar líkjast kjötmeti,“ útskýrir Búi. „Vonandi verður þetta varan sem fær fólk til að taka fyrsta skrefið og svo getum við byrjað að vinna að svona inngripsmeiri vörum, pöddulasagne eða pöddupulsur eða hvað sem er.“ Búi vakti athygli í fjölmiðlum hér á landi sem og í erlendum miðlum síðasta sumar fyrir uppfinninguna „Fly factory,“ vélrænt skordýrabú sem hefur það að markmiði að ala lirfur í matargerð. Það verkefni var, líkt og Jungle Bar, að einhverju leyti innblásið af lestri skýrslu FAO, landbúnaðararms Sameinuðu þjóðanna, um stöðu landbúnaðar í Evrópu.Pakkningin á Jungle Bar orkustykkinu.Mynd/Jungle Bar„Staðan er bara þannig í Evrópu að eftir tuttugu ár, þá verður bara ekki meira land eftir,“ segir Búi. „Þá þarf annað hvort að bæta við landi eða flytja inn frá Asíu. Þeir hjá Sameinuðu þjóðunum bentu á það að skordýr gætu mögulega verið svarið.“ Hugmyndasmiðirnir telja það því mjög mikilvægt að kynna Vesturlandabúum möguleikana sem felast í því að leggja sér skordýr til matar, nokkuð sem aldrei hefur slegið í gegn hér á landi en þykir sjálfsagður hlutur í mörgum öðrum heimshlutum. Ekki skemmi fyrir að þó reglur um skordýr í matvælaframleiðslu séu enn sem komið er nokkuð óskýrar hér á landi, sem og í öðrum Evrópulöndum, bendi allt til þess að Ísland gæti hentað stórvel til slíkrar framleiðslu. „Það eru miklir möguleikar fyrir Ísland að hasla sér völl á þessu sviði,“ segir Búi. „Við höfum náttúrulega heilmikið af vatni, heilmikið af plássi og það er ekki mikil áhætta ef þessi skordýr sleppa út. Þau myndu náttúrulega ekki lifa nema þessa þrjá sumardaga í júní.“ Öll þróunarvinna fyrir Jungle Bar var unnin á Íslandi, meðal annars með styrkjum frá Nýsköpunarmiðstöð Íslands og Rannís. Þeir Búi og Stefán þurftu þó að leita út fyrir landsteinana til að finna fyrirtæki til að fjöldaframleiða vöruna. Það fundu þeir í Kanada og þaðan munu fyrstu framleiddu stykkin berast í vikunni.Stykkin smökkuð.Mynd/Jungle Bar„Strax og við fáum fjármagnið getum við farið út í fyrstu stóru framleiðsluna okkar,“ segir Búi, en söfnun þeirra á vefsíðunni Kickstarter hefur farið mjög vel af stað. Á aðeins fimm dögum hafa safnast rúmlega 6,700 Bandaríkjadalir af þeim fimmtán þúsund (rúmlega tvær milljónir íslenskra króna) sem þeir ætla sér að safna. „Þá tekur bara við að fá til okkar dreifingar- og söluaðila. Nú þegar höfum við selt í kringum tvö, þrjú þúsund stykki án þess að fólk hafi fengið að sjá vöruna. Það hlýtur að vera til marks um að það sé hægt að selja þetta úti í búð.“ En þá stendur bara ein spurning eftir: Hvernig bragðast orkustykki sem búið er til úr krybbum? „Stykkið sjálft er bara svipað og önnur prótínstykki,“ segir Búi. „Það er talsvert betra, því prótínið úr skordýrum er talsvert betra á bragðið en soja- og mysuprótín. En annars er þetta prótín svipað og þú færð úr harðfiski eða kjöti, með öllum helstu amínósýrum sem líkaminn þarf. Við erum búnir að leyfa í kringum 2500 manns að smakka, á Íslandi, Danmörku og Hollandi. Það er alltaf þannig að fyrst þegar fólk heyrir þetta, án þess að sjá vöruna, er það mjög skeptískt. Þeim finnst þetta hálfgert grín. En þegar fólk sér að þetta lítur bara út eins og venjulegt orkustykki, þá lætur það sig hafa það. Það er alveg yndislega skemmtilegt þegar maður heyrir miðaldra konur segja hvor við aðra, þetta er nú ekki alslæmt.“
Tengdar fréttir Íslendingur í heimspressuna fyrir skordýramatargerð Búi Bjarmar Aðalsteinsson hefur hannað lirfubú sem á að breyta nálgun okkar á matvælaframleiðslu. 4. júní 2014 11:49 Mest lesið Olís sektað um kvartmilljón vegna fullyrðinga um kolefnisjöfnun Neytendur Tíu prósenta tollur á færeyskar vörur Viðskipti erlent Ferðum Play til London, Parísar og Berlínar „sjálfhætt“ Viðskipti innlent Seldi íbúðina og keypti Bitcoin í staðinn Viðskipti innlent Tímabundin dreifing á sjónvarpsefni Sýnar hjá Símanum Viðskipti innlent Hækkun tolla eins og þruma úr heiðskíru lofti Viðskipti innlent Fyrsta íslenska grænkera ostagerðin í hættu Viðskipti innlent Forstjóraskipti hjá Ice-Group Viðskipti innlent Leist ekki á hagtölur og rak yfirmann stofnunarinnar Viðskipti erlent Hvalur hf. stefnir íslenska ríkinu Viðskipti innlent Fleiri fréttir Tímabundin dreifing á sjónvarpsefni Sýnar hjá Símanum Hækkun tolla eins og þruma úr heiðskíru lofti Forstjóraskipti hjá Ice-Group Kísiltollar gætu vel endað fyrir gerðardómi Hvalur hf. stefnir íslenska ríkinu Arion hagnaðist um tíu milljarða á öðrum fjórðungi Ferðum Play til London, Parísar og Berlínar „sjálfhætt“ Festi hagnast umfram væntingar Þota Play komin úr viðgerð eftir skemmdir vegna hagléls Evrópa verði upp á Kína komin verði af tollunum Sigurður viðskiptastjóri innviðalausna hjá Ofar Hagnaður minnkar um 38 prósent og arðgreiðsla óákveðin Funda með ráðherra vegna tollanna: „Ég ætla ekki að setjast í neitt dómarasæti“ Á ég að greiða inn á lánið eða spara? Loksins, mathöllin og fleiri staðir fá nýja rekstraraðila „Við erum að bæta við atvinnustoð í samfélaginu“ Kristján og Leó kaupa Landsbankahúsið á tæpa þrjá milljarða Sjómönnum sagt upp: Skipulagsbreytingar vegna veiðigjalda Vaxtalækkun í ágúst sé nánast útilokuð Opnuðu loks Hygge eftir 245 daga bið Verðbólgan hjaðnar á ný Gáfust upp á Facebook og opna verslun fyrir notaðar íþróttavörur Endurskipuleggja reksturinn „í vinsemd og virðingu“ Tekjur jukust um helming milli ára Hátt í þrjátíu sagt upp hjá Play Gengið rétti lítillega úr kútnum en hefur aldrei verið lægra Róðurinn þungur en hefur ekki áhyggjur af Play HBO Max streymisveitan komin til Íslands Gengi Play í frjálsu falli Alþjóðlegt bílafyrirtæki kaupir Öskju og systurfélög Sjá meira
Íslendingur í heimspressuna fyrir skordýramatargerð Búi Bjarmar Aðalsteinsson hefur hannað lirfubú sem á að breyta nálgun okkar á matvælaframleiðslu. 4. júní 2014 11:49