Kanye West sló út Lagerfeld

Ár hvert á tískuvikum gefur style.com út lista með síðuflettingum og heimsóknum á vefsíðu sína og raðar þeim niður á hönnuði. Þannig gefa þeir út topp 10 lista með mest heimsóttu sýningunum á þeirra síðu. Tískuhúsið Chanel hefur alltaf unnið og það með nokkrum yfirburðum. Í ár var þó annað uppá teningnum þegar Karl Lagerfeld og hans teymi varð að lúta í lægra haldi fyrir nýliða á listanum - Kanye West.

Kanye West x Adidas Originals laðaði að ótrúlegar 4.578.461 síðuflettingar á meðan Chanel fékk “aðeins” 3.405.945 flettingar. 



Vinsældir herra West virðast vera ótrúlegar um þessar mundir, en viðtal sem style.com birti eftir sýningu hans sló einnig met á síðunni sem mest lesna einstaka fréttin. 

Forsvarsmenn síðunnar vilja meina að hugmynd Kanye um að koma hönnun og gæðum í svona fjöldaframleiðslu sé rétt tímasett og passi vel inní tískuheiminn í dag. Línan hans hefur því höfðað til mun stærri hóps en t.d. línan frá Chanel. Samskiptamiðlar eru líka með Kanye í liði, en þeir hjálpa til við að skapa þessa miklu traffík. Sem dæmi um það má nefna að allir meðlimir Karadashian fjölskyldunnar tvítuðu um atburðinn.

Kanye West hélt kúlinu. HÉR má skoða sýninguna í heild sinni.

Karl Lagerfeld þakkar fyrir sig í New York. HÉR má skoða sýninguna í heild sinni.

Áhugavert var að Gucci færðist ofar á listann með nýjan listrænan stjórnanda sem virðist vera að gera réttu hlutina. GLAMOUR hlakkar til að fylgjast betur með þeirri þróun.

Elísabet Gunnars bloggar - HÉR

Instagram - HÉR

Twitter - HÉR