"Einhver ömurlegasta lágkúra sem maður hefur séð“

Guðmundur Gunnarsson, fyrrverandi formaður Rafiðnaðarsambandsins og núverandi varaformaður lífeyrissjóðsins Stafa, segir Sölva Tryggvason, fjölmiðlamann, stela frá samborgurum sínum með því að borga ekki í lífeyrissjóð.

Eins og greint var frá á Vísi fyrr í dag hætti Sölvi að borga í lífeyrissjóð fyrir ári síðan. Skuld hans er nú komin í innheimtu en Sölvi stendur fast á sínu. Hann segir um prinsippmál að ræða og er ekki sáttur við hvernig lífeyrissjóðskerfið hefur verið rekið síðustu ár.

Guðmundur vandar ekki Sölva kveðjurnar á Facebook-síðu sinni og segir hann ekki tíma að leggja fyrir til elliáranna. Í staðinn ætlar hann „að láta öryrkja og láglaunafólk gera það fyrir sig“ og eyða „peningum í glanslífstíl.“

Svo bætir Guðmundur við:

„Því klárlega mun hann krefjast þess að fá ellilífeyri eða svo óheppilega vilji til hjá honum að hann þurfi örorkubætur. Þá verður það ekki gert nema þá að skerða hjá öðrum og það bitnar verst á þeim sem minnst mega sín.

Það er nú heldur betur reisn yfir þessu hjá honum og svo finnur hann endalaust einhverja barnalegar afsakanir til þess að réttlæta þetta.

Einhver ömurlegasta lágkúra sem maður hefur séð um alllangt skeið.“

Já Sölvi tímir ekki að leggja fyrir til elliáranna og ætlar að láta öryrkja og láglaunafólk gera það fyrir sig. Hann...

Posted by Guðmundur Gunnarsson on Wednesday, 8 April 2015