Íslandsbanki fjármagnar frystigeymslu Eimskips

Íslandsbanki mun fjármagna byggingu tíu þúsund tonna Eimskips frystigeymslu á athafnasvæði félagsins í Hafnarfirði.

Íslandsbanki lánar Eimskip tíu milljónir evra nú, um 1,5 milljarð íslenskra króna. Einnig var undirritaður samningur um lánalína upp á 12 milljón evra lán til viðbótar svo heildarlánsfjárhæðin mun nema um 3,2 milljörðum króna.

Gert er ráð fyrir að fyrsti áfangi nýrrar frystigeymslu verði tilbúinn til notkunar næsta haust og að verkið verði fullklárað fyrir árslok. Þá er möguleiki að stækka nýju geymsluna enn frekar í áföngum um allt að 14.000 tonn til viðbótar. Nýrri frystigeymslu er ætlað að þjónusta íslenskan sjávarútveg.

„Með þessari undirritun höfum við gengið frá langtímafjármögnun verkefnisins á hagstæðum kjörum og við fögnum því. Á sama tíma erum við að ljúka við ákveðinn áfanga í uppbyggingu innviða er snúa að sjávarútveginum, sem er mikilvæg stoð í rekstri félagsins,“ segir Gylfi Sigfússon, forstjóri Eimskips, í tilkynningu.