Flugkennsla hafin á ný

Flugskóli Íslands hefur hafið flugkennslu á nýjan leik eftir flugslysið suður af Hafnarfirði í síðustu viku þar sem tveir flugkennarar skólans létust.

Í kjölfar slyssins var tekin sú ákvörðun að fella niður alla flugkennslu á vegum skólans fram yfir sl. helgi af virðingu við hina látnu og aðstandur þeirra.

Einnig var sú ákvörðun tekin að allar flugvélar skólans skyldu fara í sérstaka skoðun sem framkvæmd yrði af óháðum aðila. Verða þær teknar í notkun ein af annari eftir því sem skoðunum lýkur.

Rannsóknarnefnd samgönguslysa rannsakar nú flugslysið.