i-úr Berglind Pétursdóttir skrifar 16. mars 2015 07:00 Tæknirisi framleiðir kassalaga armbandsúr og heimurinn fer eðlilega á hliðina. Þetta er úrið sem mun breyta lífinu eins og við þekkjum það. Fólk um allan heim klappar saman lófunum og öskrar: „Loksins! Úr sem ég þarf að hlaða daglega!“ Fólk með langar neglur og feita putta gnístir saman tönnum í angist yfir því að það mun aldrei hitta á réttan takka. En þessi quartz-tækni var hvort eð er löngu úr sér gengin og púkó. Nú er hægt að horfa á hjartsláttinn sinn á skjá og senda púlsinn til þeirra sem hafa áhuga, ég get ekki ímyndað mér hver hefur EKKI áhuga á því. Nú get ég séð það á örlitlum skjá hvernig heilsufari mínu fer hrakandi og talið klukkustundirnar sem ég sit kyrr við vinnu. Ég get fylgst með hjartslætti hinna í herberginu, bara af því að mig langar til þess. Í auglýsingu fyrir úrið er því haldið fram að ég muni hreyfa mig meira með i-úrinu. Ég veit ekki hvers konar raflost það mun senda í úlnliðinn á mér til að fá mig til að drattast á lappir en ég er helvíti spennt fyrir því. Já, og nú munum við alltaf vita hvað klukkan er. Eitt það þægilegasta við i-úrið er þó að til þess að geta nota það þarf eigandinn að eiga iPhone af nýjustu gerð, og þar með getur maður auðveldlega sigtað þá út sem eru með eldri síma og sleppt því að eiga samskipti við þá. „Fáið ykkur nýrri síma, hahahaha!“ kalla ég yfir hóp fólks sem athugar hvað klukkan er á iPhone 4 og hleyp svo áfram inn í framtíð hreysti og heilbrigðs blóðþrýstings. Allavega. Úrið kemur í apríl. Ég á afmæli 2. apríl. Fullkomin afmælisgjöf. Viltu birta grein á Vísi? Sendu okkur póst. Senda grein Berglind Pétursdóttir Mest lesið Ný nálgun fyrir börn með fjölþættan vanda Guðmundur Ingi Þóroddsson,Guðbjörg Sveinsdóttir Skoðun Setjum kraft í íslenskukennslu fullorðinna Anna Linda Sigurðardóttir Skoðun Áhrif veiðigjalda ná út fyrir atvinnugreinina Ásgerður Kristín Gylfadóttir Skoðun Ekkert kerfi lifir af pólitískan geðþótta Guðrún Hafsteinsdóttir Skoðun Opinber skýring til Sigurjóns Þórðarsonar Heiðrún Lind Marteinsdóttir Skoðun Komum heil heim eftir hvítasunnuhelgina Ágúst Mogensen Skoðun RÚV - ljósritunarstofa ríkisins? Birgir Finnsson Skoðun Ég á þetta ég má þetta Arnar Atlason Skoðun Þegar þeir sem segjast þjóna þjóðinni ráðast á hana Ágústa Árnadóttir Skoðun Við stöndum með Anahitu og Elissu Valgerður Árnadóttir,Rósa Líf Darradóttir,Aldís Amah Hamilton,Þorgerður María Þorbjarnardóttir,Árni Finnsson Skoðun
Tæknirisi framleiðir kassalaga armbandsúr og heimurinn fer eðlilega á hliðina. Þetta er úrið sem mun breyta lífinu eins og við þekkjum það. Fólk um allan heim klappar saman lófunum og öskrar: „Loksins! Úr sem ég þarf að hlaða daglega!“ Fólk með langar neglur og feita putta gnístir saman tönnum í angist yfir því að það mun aldrei hitta á réttan takka. En þessi quartz-tækni var hvort eð er löngu úr sér gengin og púkó. Nú er hægt að horfa á hjartsláttinn sinn á skjá og senda púlsinn til þeirra sem hafa áhuga, ég get ekki ímyndað mér hver hefur EKKI áhuga á því. Nú get ég séð það á örlitlum skjá hvernig heilsufari mínu fer hrakandi og talið klukkustundirnar sem ég sit kyrr við vinnu. Ég get fylgst með hjartslætti hinna í herberginu, bara af því að mig langar til þess. Í auglýsingu fyrir úrið er því haldið fram að ég muni hreyfa mig meira með i-úrinu. Ég veit ekki hvers konar raflost það mun senda í úlnliðinn á mér til að fá mig til að drattast á lappir en ég er helvíti spennt fyrir því. Já, og nú munum við alltaf vita hvað klukkan er. Eitt það þægilegasta við i-úrið er þó að til þess að geta nota það þarf eigandinn að eiga iPhone af nýjustu gerð, og þar með getur maður auðveldlega sigtað þá út sem eru með eldri síma og sleppt því að eiga samskipti við þá. „Fáið ykkur nýrri síma, hahahaha!“ kalla ég yfir hóp fólks sem athugar hvað klukkan er á iPhone 4 og hleyp svo áfram inn í framtíð hreysti og heilbrigðs blóðþrýstings. Allavega. Úrið kemur í apríl. Ég á afmæli 2. apríl. Fullkomin afmælisgjöf.
Við stöndum með Anahitu og Elissu Valgerður Árnadóttir,Rósa Líf Darradóttir,Aldís Amah Hamilton,Þorgerður María Þorbjarnardóttir,Árni Finnsson Skoðun
Við stöndum með Anahitu og Elissu Valgerður Árnadóttir,Rósa Líf Darradóttir,Aldís Amah Hamilton,Þorgerður María Þorbjarnardóttir,Árni Finnsson Skoðun