Bruschetta með tómötum og hvítlauksosti

30. apríl 2015 22:18

Bruschetta er afar vinsæll smáréttur víða um heim, það er bæði hægt að bera hann fram sem forrétt eða þá sem léttan aðalrétt.

1 gott snittubrauð

ólífuolía

1 hvítlauksrif

1 askja kokteiltómatar

2 marin hvítlauksrif

1 msk ólífuolía

1 msk balsamik edik

smátt söxuð fersk basilíka, magn eftir smekk

½ hvítlauksostur, smátt skorinn

salt og nýmalaður pipar

Aðferð: Hitið ofninn í 180°C. Skerið snittubrauðin í sneiðar og leggið á pappírsklædda ofnplötu, sáldrið olíu yfir brauðsneiðarnar og bakið í ofni í nokkrar mínútur. Þegar brauðið er tilbúið og orðið stökkt nuddið sárinu á hvítlauksrifinu ofan á hverja brauðsneið.

Skerið tómata í tvennt og skafið innan úr þeim, hvítlauksosturinn er skorinn í bita og hvítlaukurinn pressaður. Blandið öllu saman ásamt basilíku, olíu, balsamik edik og salti og nýmöluðum pipar. Setjið blönduna ofan á hverja brauðsneið og berið strax fram.

Fylgist með Matargleði Evu á fimmtudagskvöldum á Stöð 2.

Eva Laufey Partýréttir Uppskriftir