Hard Rock á leið í Iðuhúsið

Hard Rock mun taka við húsnæði bókabúðarinnar Iðu við Lækjargötu 2A um næstu áramót.

Arn­dís Björg Sig­ur­geirs­dótt­ir, fram­kvæmda­stjóri Iðu segir að skellt verði í lás klukkan tvö á gamlársdag. Allar vörur verði að lágmarki á 30 prósenta afslátti fram að þeim tíma. Mbl greindi fyrst frá málinu.

Það sem ekki selst verður fært í verslun Iðu Zimsen við Vesturgötu eða Mál og Menningar, en verslanirnar eru í eigu sömu aðila.

Starfs­mönnunum verður boðin vinna á öðrum hvor­um staðnum og ekki stendur til að segja neinum upp.

Fjárfestirinn Birg­ir Þór Biel­vedt, einn eig­enda Dom­in­o's Pizza og Joe & the Juice, tryggði sér einkaleyfi að Hard Rock fyrr á árinu og hefur leit að hentugu húsnæði staðið yfir síðan þá.