Furðar sig á því að sonurinn komist ekki inn á leikskóla þó að þar sé laust pláss Sunna Kristín Hilmarsdóttir skrifar 25. ágúst 2015 09:46 Ragnheiður Viðarsdóttir furðar sig á því að sonur hennar sem verður 18 mánaða í lok september komist ekki inn á leikskóla á þessu ári þrátt fyrir að laust pláss sé fyrir hann á leikskóla í Árbæ þar sem fjölskyldan býr. vísir Ragnheiður Viðarsdóttir, móðir sem búsett er í Reykjavík, furðar sig á því að sonur hennar sem verður 18 mánaða í lok september komist ekki inn á leikskóla á þessu ári þrátt fyrir að laust pláss sé fyrir hann á leikskóla í Árbæ þar sem fjölskyldan býr. „Ég var alveg heima með hann þangað til hann var rúmlega eins árs en í apríl síðastliðnum byrjaði hann svo í aðlögun hjá dagmömmum sem eru alveg yndislegar. Þær fóru hins vegar í tveggja mánaða frí í sumar og þá fór ég að hringja á leikskólana sem ég hafði innritað hann á og spyrjast fyrir með pláss í haust,“ segir Ragnheiður í samtali við Vísi en grein eftir hana um þessi mál birtist á vef Kvennablaðsins um helgina.Ekki fjármagn til að taka inn börn fædd í mars 2014 Á einum leikskólanum var sonur Ragnheiðar númer tvö á biðlista og fékk hún þær upplýsingar að pláss væri fyrir hann á leikskólanum. Ekki væri hins vegar hægt að taka hann inn þar sem leikskólinn mætti einungis taka inn börn fædd í janúar og febrúar 2014 eða fyrr. Sonur Ragnheiðar er fæddur í mars 2014 og þekkir hún til annarra foreldra sem hafa sömu sögu að segja; laus pláss séu á leikskólum en ekki er hægt að taka yngri börn inn. „Ástæðan fyrir því að hann kemst ekki inn þrátt fyrir að það séu laus pláss er skortur á fjármagni. Það eru að minnsta kosti þau svör sem ég fæ frá skóla-og frístundasviði en þetta er allt saman mjög furðulegt, ekki síst í ljósi þess að það var mikið rætt um leikskólamál fyrir seinustu borgarstjórnarkosningar og nauðsyn þess að yngri börn kæmust inn á leikskóla,“ segir Ragnheiður.Tvöfalt dýrara að vera hjá dagforeldri Hún kveðst ekki hafa fengið nein skýr svör varðandi það hvenær sonur hennar geti byrjað á leikskóla, kannski verður það í janúar á næsta ári en kannski ekki fyrr en í mars. Á meðan verður hann hjá dagmömmunum. „Það er náttúrulega tvöfalt dýrara en að hafa barnið á leikskóla en eins og hljóðið er í leikskólastjórunum þá vilja þeir fylla plássin en fá það ekki. Þannig að leikskólastjórar eru heldur ekkert sáttir við þetta,“ segir Ragnheiður og veltir því fyrir sér hvort að það þurfi jafnvel að loka deildum eða segja upp starfsfólki ef ekki á að fylla upp í laus pláss á leikskólum. Á heimasíðu Reykjavíkurborgar kemur fram að miðað sé við að börn geti hafið leikskóladvöl á því ári sem þau verða tveggja ára. Það er því samkvæmt reglunum svo að börn fædd árið 2013 hafa forgang á leikskólana í ár. Undanfarin ár hefur þó verið svigrúm til þess að taka inn börn sem eru orðin 18 mánaða þann 1. september og í ár eru það börnin sem fæddust í janúar og febrúar í fyrra.Líf Magneudóttir, varaformaður skóla-og frístundaráðs Reykjavíkurborgar.Þarf pólitíska ákvörðun svo hægt sé að innrita börnin Líf Magneudóttir, varaformaður skóla-og frístundaráðs Reykjavíkurborgar, segir að samkvæmt þeim upplýsingum sem hún hafi séu 147 laus pláss á leikskólum borgarinnar en 144 börn á biðlista sem eru í forgangi á undan börnum fæddum í mars 2014. Á listanum eru meðal annars börn sem eru að flytja á milli hverfa. „Það er núna verið að greina listann eftir aldri og hvernig þetta raðast allt saman líka eftir hverfum. Þegar búið er að raða inn forgangsbörnunum að þá gætum við mögulega haft pláss fyrir einhver börn til viðbótar og einhver þeirra gætu þá verið börn fædd í mars í fyrra,“ segir Líf. Fjármagn þurfi þó alltaf að fylgja börnunum og í einhverjum tilfellum gæti þurft aukafjárveitingu til leikskóla. Það sé vegna þess að ef til vill þurfi að ráða inn fleira starfsfólk til að taka inn yngri börn þar sem fleira fólk þarf til að sinna þeim en þeim börnum sem eru eldri. Því þarf pólitíska ákvörðun til þess að hægt verði að innrita börn fædd í mars 2014.Skýr stefna meirihlutans að nýta öll laus pláss í leikskólum Hún segir það algjörlega skýra stefnu meirihlutans að nýta öll þau lausu pláss sem eru á leikskólum borgarinnar og þvertekur fyrir það að deildum verði lokað eða starfsfólki sagt upp vegna þess að ekki verði öll pláss nýtt. „Það gerist ekki á okkar vakt, bara alls ekki. Við í meirihlutanum værum ekki starfi okkar og stefnu vaxin ef við færum að loka deildum á leikskólum eða segja upp starfsfólki í stað þess að stefna að því að brúa bilið eins og við gerðum sáttmála um.“ Líf segist skilja vel að foreldrar séu óþreyjufullir og óþolinmóðir en leikskólapláss í Reykjavík séu einfaldlega ákveðið mörg. Fyrsta skrefið sé að fullnýta þau en næsta skref sé svo að bæta við plássum í barnmörgum hverfum. „Hugur minn stendur til þess gera skurk í þessum málum og við þurfum að vera með raunhæft plan um það hvernig við fjölgum plássum og löðum að fagmenntað starfsfólk. Þá þurfum við að horfa til framtíðar hvernig við eflum leikskólaþjónustu þannig að börn komist að fæðingarorlofi loknu beint inn á leikskóla,“ segir Líf. Mest lesið Of snemmt að kenna bikblæðingum um Innlent Alvarlegt rútuslys í Öxnadal Innlent Þeir sem „brjóta alvarlega af sér“ verði sviptir dvalarleyfum Innlent Átök á lokametrunum: Saka ríkisstjórn um að „slátra“ samgönguáætlun Innlent Íþróttafélög hafa sum selt áfengi í leyfisleysi Innlent Tónlistarmaðurinn Róbert Örn er fallinn frá Innlent Kynntu á annað hundrað aðgerðir í loftslagsmálum Innlent Vill losna við lífverði Bjarna úr þinghúsinu Innlent Refsing manns sem nauðgaði þroskaskertum konum milduð verulega Innlent Losuðu stúlku úr „prísund“ við Háskólabíó Innlent Fleiri fréttir Of snemmt að kenna bikblæðingum um Átök á lokametrunum: Saka ríkisstjórn um að „slátra“ samgönguáætlun Kynntu á annað hundrað aðgerðir í loftslagsmálum Þeir sem „brjóta alvarlega af sér“ verði sviptir dvalarleyfum Íþróttafélög hafa sum selt áfengi í leyfisleysi Alvarlegt rútuslys og kona sem á níutíu þúsund servíettur Alvarlegt rútuslys í Öxnadal Lýðheilsufræðingar segja aukið aðgengi að áfengi alvarlegt mál Elsta skip Samherja kveður Dalvík og heldur til Spánar Refsing manns sem nauðgaði þroskaskertum konum milduð verulega Kostnaður ríkissjóðs vegna Grindavíkur um áttatíu milljarðar Leyfið gefið út í trássi við öryggi sjófarenda Quang Lé laus úr gæsluvarðhaldi en í farbanni Stór skörð að fylla eftir að þúsundir drápust Ofurkarlmennska geti reynst ávísun á hómófóbíu og kvenfyrirlitningu Brenna landnámsbæ til kaldra kola í tilraunaskyni Fimm bíla árekstur á Akureyri Vill úrbætur sem fyrst á Flóttamannaleið Gríska húsinu lokað Byggðakvótakerfið úr sér gengið Kynna 150 aðgerðir í loftslagsmálum Umfangsmikil aðgerð Europol: Netþjónar á Íslandi hýstu hryðjuverkaáróður Leitt ef ríkisstjórn er ekki treystandi í kjarasamningsviðræðum Útlendingafrumvarpið hefur verið samþykkt Ekkert breyst til batnaðar í rekstri borgarinnar Vill losna við lífverði Bjarna úr þinghúsinu Átök á Alþingi og víkingar taka yfir Hafnarfjörð Heimtaði að allir í bænum töluðu íslensku Mikið svifryk í borginni og gosmóða líkleg síðar í dag Vill styðja vantrauststillögu komi hún fram Sjá meira
Ragnheiður Viðarsdóttir, móðir sem búsett er í Reykjavík, furðar sig á því að sonur hennar sem verður 18 mánaða í lok september komist ekki inn á leikskóla á þessu ári þrátt fyrir að laust pláss sé fyrir hann á leikskóla í Árbæ þar sem fjölskyldan býr. „Ég var alveg heima með hann þangað til hann var rúmlega eins árs en í apríl síðastliðnum byrjaði hann svo í aðlögun hjá dagmömmum sem eru alveg yndislegar. Þær fóru hins vegar í tveggja mánaða frí í sumar og þá fór ég að hringja á leikskólana sem ég hafði innritað hann á og spyrjast fyrir með pláss í haust,“ segir Ragnheiður í samtali við Vísi en grein eftir hana um þessi mál birtist á vef Kvennablaðsins um helgina.Ekki fjármagn til að taka inn börn fædd í mars 2014 Á einum leikskólanum var sonur Ragnheiðar númer tvö á biðlista og fékk hún þær upplýsingar að pláss væri fyrir hann á leikskólanum. Ekki væri hins vegar hægt að taka hann inn þar sem leikskólinn mætti einungis taka inn börn fædd í janúar og febrúar 2014 eða fyrr. Sonur Ragnheiðar er fæddur í mars 2014 og þekkir hún til annarra foreldra sem hafa sömu sögu að segja; laus pláss séu á leikskólum en ekki er hægt að taka yngri börn inn. „Ástæðan fyrir því að hann kemst ekki inn þrátt fyrir að það séu laus pláss er skortur á fjármagni. Það eru að minnsta kosti þau svör sem ég fæ frá skóla-og frístundasviði en þetta er allt saman mjög furðulegt, ekki síst í ljósi þess að það var mikið rætt um leikskólamál fyrir seinustu borgarstjórnarkosningar og nauðsyn þess að yngri börn kæmust inn á leikskóla,“ segir Ragnheiður.Tvöfalt dýrara að vera hjá dagforeldri Hún kveðst ekki hafa fengið nein skýr svör varðandi það hvenær sonur hennar geti byrjað á leikskóla, kannski verður það í janúar á næsta ári en kannski ekki fyrr en í mars. Á meðan verður hann hjá dagmömmunum. „Það er náttúrulega tvöfalt dýrara en að hafa barnið á leikskóla en eins og hljóðið er í leikskólastjórunum þá vilja þeir fylla plássin en fá það ekki. Þannig að leikskólastjórar eru heldur ekkert sáttir við þetta,“ segir Ragnheiður og veltir því fyrir sér hvort að það þurfi jafnvel að loka deildum eða segja upp starfsfólki ef ekki á að fylla upp í laus pláss á leikskólum. Á heimasíðu Reykjavíkurborgar kemur fram að miðað sé við að börn geti hafið leikskóladvöl á því ári sem þau verða tveggja ára. Það er því samkvæmt reglunum svo að börn fædd árið 2013 hafa forgang á leikskólana í ár. Undanfarin ár hefur þó verið svigrúm til þess að taka inn börn sem eru orðin 18 mánaða þann 1. september og í ár eru það börnin sem fæddust í janúar og febrúar í fyrra.Líf Magneudóttir, varaformaður skóla-og frístundaráðs Reykjavíkurborgar.Þarf pólitíska ákvörðun svo hægt sé að innrita börnin Líf Magneudóttir, varaformaður skóla-og frístundaráðs Reykjavíkurborgar, segir að samkvæmt þeim upplýsingum sem hún hafi séu 147 laus pláss á leikskólum borgarinnar en 144 börn á biðlista sem eru í forgangi á undan börnum fæddum í mars 2014. Á listanum eru meðal annars börn sem eru að flytja á milli hverfa. „Það er núna verið að greina listann eftir aldri og hvernig þetta raðast allt saman líka eftir hverfum. Þegar búið er að raða inn forgangsbörnunum að þá gætum við mögulega haft pláss fyrir einhver börn til viðbótar og einhver þeirra gætu þá verið börn fædd í mars í fyrra,“ segir Líf. Fjármagn þurfi þó alltaf að fylgja börnunum og í einhverjum tilfellum gæti þurft aukafjárveitingu til leikskóla. Það sé vegna þess að ef til vill þurfi að ráða inn fleira starfsfólk til að taka inn yngri börn þar sem fleira fólk þarf til að sinna þeim en þeim börnum sem eru eldri. Því þarf pólitíska ákvörðun til þess að hægt verði að innrita börn fædd í mars 2014.Skýr stefna meirihlutans að nýta öll laus pláss í leikskólum Hún segir það algjörlega skýra stefnu meirihlutans að nýta öll þau lausu pláss sem eru á leikskólum borgarinnar og þvertekur fyrir það að deildum verði lokað eða starfsfólki sagt upp vegna þess að ekki verði öll pláss nýtt. „Það gerist ekki á okkar vakt, bara alls ekki. Við í meirihlutanum værum ekki starfi okkar og stefnu vaxin ef við færum að loka deildum á leikskólum eða segja upp starfsfólki í stað þess að stefna að því að brúa bilið eins og við gerðum sáttmála um.“ Líf segist skilja vel að foreldrar séu óþreyjufullir og óþolinmóðir en leikskólapláss í Reykjavík séu einfaldlega ákveðið mörg. Fyrsta skrefið sé að fullnýta þau en næsta skref sé svo að bæta við plássum í barnmörgum hverfum. „Hugur minn stendur til þess gera skurk í þessum málum og við þurfum að vera með raunhæft plan um það hvernig við fjölgum plássum og löðum að fagmenntað starfsfólk. Þá þurfum við að horfa til framtíðar hvernig við eflum leikskólaþjónustu þannig að börn komist að fæðingarorlofi loknu beint inn á leikskóla,“ segir Líf.
Mest lesið Of snemmt að kenna bikblæðingum um Innlent Alvarlegt rútuslys í Öxnadal Innlent Þeir sem „brjóta alvarlega af sér“ verði sviptir dvalarleyfum Innlent Átök á lokametrunum: Saka ríkisstjórn um að „slátra“ samgönguáætlun Innlent Íþróttafélög hafa sum selt áfengi í leyfisleysi Innlent Tónlistarmaðurinn Róbert Örn er fallinn frá Innlent Kynntu á annað hundrað aðgerðir í loftslagsmálum Innlent Vill losna við lífverði Bjarna úr þinghúsinu Innlent Refsing manns sem nauðgaði þroskaskertum konum milduð verulega Innlent Losuðu stúlku úr „prísund“ við Háskólabíó Innlent Fleiri fréttir Of snemmt að kenna bikblæðingum um Átök á lokametrunum: Saka ríkisstjórn um að „slátra“ samgönguáætlun Kynntu á annað hundrað aðgerðir í loftslagsmálum Þeir sem „brjóta alvarlega af sér“ verði sviptir dvalarleyfum Íþróttafélög hafa sum selt áfengi í leyfisleysi Alvarlegt rútuslys og kona sem á níutíu þúsund servíettur Alvarlegt rútuslys í Öxnadal Lýðheilsufræðingar segja aukið aðgengi að áfengi alvarlegt mál Elsta skip Samherja kveður Dalvík og heldur til Spánar Refsing manns sem nauðgaði þroskaskertum konum milduð verulega Kostnaður ríkissjóðs vegna Grindavíkur um áttatíu milljarðar Leyfið gefið út í trássi við öryggi sjófarenda Quang Lé laus úr gæsluvarðhaldi en í farbanni Stór skörð að fylla eftir að þúsundir drápust Ofurkarlmennska geti reynst ávísun á hómófóbíu og kvenfyrirlitningu Brenna landnámsbæ til kaldra kola í tilraunaskyni Fimm bíla árekstur á Akureyri Vill úrbætur sem fyrst á Flóttamannaleið Gríska húsinu lokað Byggðakvótakerfið úr sér gengið Kynna 150 aðgerðir í loftslagsmálum Umfangsmikil aðgerð Europol: Netþjónar á Íslandi hýstu hryðjuverkaáróður Leitt ef ríkisstjórn er ekki treystandi í kjarasamningsviðræðum Útlendingafrumvarpið hefur verið samþykkt Ekkert breyst til batnaðar í rekstri borgarinnar Vill losna við lífverði Bjarna úr þinghúsinu Átök á Alþingi og víkingar taka yfir Hafnarfjörð Heimtaði að allir í bænum töluðu íslensku Mikið svifryk í borginni og gosmóða líkleg síðar í dag Vill styðja vantrauststillögu komi hún fram Sjá meira