Spá 0,5% hækkun neysluverðs í apríl Fanney Birna Jónsdóttir skrifar 14. apríl 2014 11:19 Vísir/Vilhelm Greining Íslandsbanka spáir hækkun á vísitölu neysluverðs (VNV) um 0,5% í apríl. Þannig aukist verðbólga úr 2,2% í 2,5% ef spáin gangi eftir. „Verðbólguhorfur fyrir yfirstandandi ár eru lítið breyttar, en horfur fyrir næsta ár hafa lítillega batnað, þótt við gerum líkt og áður ráð fyrir aukinni verðbólgu á komandi misserum. Verðbólga verður þó að mati okkar minni næstu árin en hún hefur að jafnaði verið undanfarin ár,“ segir í greiningunni. Þrír liðir skýra fyrst og fremst spánna um hækkun vísitölunnar í apríl frá bráðabirgðaspá Greiningarinnar sem hljóðaði upp á 0,3%. Það séu vísbendingar um að markaðsverð íbúðarhúsnæðis hafi haldið áfram að hækka undanfarið, og er hækkunartakturinn öllu hraðari en gert var ráð fyrir. Greining telur að reiknuð húsaleiga, sem endurspegli markaðsverð að mestu, hækki um 0,75% í apríl. Að viðbættri hækkun á viðhaldskostnaði vegna samningsbundinnar launahækkunar iðnaðarmanna vegur húsnæðisliður VNV til 0,17% hækkunar. Þessu til viðbótar hafi eldsneytisverð hækkað um 2,5% að jafnaði frá marsmánuði samkvæmt mælingu Greiningarinnar (0,13% í VNV). Einnig bendir verðkönnun til þess að flugfargjöld til útlanda hafi hækkað talsvert þriðja mánuðinn í röð (0,09% í VNV). Samanlagt vega því þessir þrír liðir til 0,4% hækkunar. Aðrir liðir hafa samanlagt áhrif til 0,1% hækkunar í apríl. „Verðbólguhorfur fyrir komandi mánuði eru svipaðar og áður, nema hvað við teljum að hækkun vegna sveiflukenndra liða í apríl muni ganga til baka að hluta í maí. Þannig gerum við t.d. ráð fyrir minni hækkun á flugfargjöldum í maímánuði en við gerðum áður ráð fyrir. Jafnframt reiknum við með að krónutöluhækkanir hins opinbera á áfengi og tóbaki og eldsneyti um síðustu áramót gangi að hluta til baka í maí. Við lækkum því bráðabirgðaspá fyrir maí úr 0,2% í 0,1% hækkun. Eins og áður gerum við ráð fyrir 0,3% hækkun í júní. Loks teljum við að VNV lækki um 0,4% í júlí, og er lækkunin til komin vegna útsöluáhrifa líkt og jafnan í júlímánuði,“ segir í greiningunni. Talið er að miðað við ofangreinda spá muni verðbólga mælast 2,4% í júní mánuði og það sem eftir lifir árs verði verðbólgan áfram á svipuðum slóðum og gerir bankinn ráð fyrir 2,5% verðbólgu í árslok. Þá hafi verðbólguhorfur fyrir næsta ár heldur batnað frá síðustu spá, en Greining gerir ráð fyrir 3,4% verðbólgu yfir árið 2015 í stað 3,7% verðbólgu áður. „Eftir sem áður spáum við hins vegar 3,9% verðbólgu yfir árið 2016. Útlit er því fyrir að meðalverðbólga næstu 3ja ára verði í grennd við 3,6%. Til samanburðar má nefna að verðbólguálag til sex ára á skuldabréfamarkaði (m.v. verðtryggð og óverðtryggð ríkisbréf) er nú 3,6%,“ segir Greining Íslandsbanka. Langtímaspá þeirra byggir á þeim forsendum að íbúðaverð hækki um 5% - 6% á ári hverju, laun taki að hækka hraðar frá og með næsta ári samhliða því að slakinn hverfi úr efnahagslífinu og krónan veikist að jafnaði um 2% - 3% á ári. Mest lesið „Svo hefst kapphlaupið í það hver er fyrstur að ná sturtunni!“ Atvinnulíf Há laun og dýr bjór séu vandamál ÁTVR Viðskipti innlent Dagar Workplace eru taldir Viðskipti erlent Fyrirtæki hvött til að halda upp á daginn í dag og gera sér dagamun Atvinnulíf Rauf sátt vegna Max-málsins og gæti átt yfir höfði sér refsimál Viðskipti erlent Fyrsta flugi Icelandair til Pittsburgh fagnað Viðskipti Hnífjöfn atkvæðagreiðsla sem gæti endað fyrir dómi Viðskipti innlent Base parking gjaldþrota Viðskipti innlent Segir arðgreiðslur ÁTVR hafa lækkað um 400 milljónir vegna netsölu Viðskipti innlent Snillingur í útlöndum: „Þegar vinirnir keyptu sér nammi keypti ég mér diskókúlur“ Atvinnulíf Fleiri fréttir Há laun og dýr bjór séu vandamál ÁTVR Hnífjöfn atkvæðagreiðsla sem gæti endað fyrir dómi Segir arðgreiðslur ÁTVR hafa lækkað um 400 milljónir vegna netsölu Fóru í fyrsta flugið milli Calgary og Keflavíkurflugvallar Segir að Play sé og verði áfram með höfuðstöðvar á Íslandi Guðmundur tilnefndur til Evrópsku nýsköpunarverðlaunanna 2024 Forstjóri Play íhugar að fljúga frekar til Íslands en frá Base parking gjaldþrota Endurkjörinn formaður og fimm koma ný inn í stjórn Þjónusturof hjá alþjóðlegum birgja Samkaup, Heimkaup og Orkan hefja samrunaviðræður Stefna á opnun fyrsta skammtíma raforkumarkaðarins á næsta ári Bein útsending frá Nýsköpunarviku Sparisjóður hagnaðist um 205 milljónir króna Starfsfólk fær 150 milljónir í hlutabréfum Magnús eignast Latabæ á nýjan leik Ráðin framkvæmdastjóri Rue de Net Almennt útboð Íslandshótela hefst á morgun Ætlar að gera Grillhúsið að heitasta staðnum í Borgarnesi Landsvirkjun selur í fyrsta skipti í raforkukauphöll Ráðin forstöðukona Nýrra orkukosta Eigendur TGI Fridays kaupa Grillhúsið Freyr ráðinn til Eflingar Tilnefndur sem besti leikur fyrir snjalltæki á Norðurlöndum MAST olli Brúneggjum tjóni en RÚV sýknað Tilboðið afturkallað og Eik öðlast frelsi til athafna á ný Brottfarirnar í apríl nokkuð færri en á síðasta ári Engin hópuppsögn í apríl Fer frá Deloitte til Góðra samskipta Mun stýra tæknisviði Carbfix Sjá meira
Greining Íslandsbanka spáir hækkun á vísitölu neysluverðs (VNV) um 0,5% í apríl. Þannig aukist verðbólga úr 2,2% í 2,5% ef spáin gangi eftir. „Verðbólguhorfur fyrir yfirstandandi ár eru lítið breyttar, en horfur fyrir næsta ár hafa lítillega batnað, þótt við gerum líkt og áður ráð fyrir aukinni verðbólgu á komandi misserum. Verðbólga verður þó að mati okkar minni næstu árin en hún hefur að jafnaði verið undanfarin ár,“ segir í greiningunni. Þrír liðir skýra fyrst og fremst spánna um hækkun vísitölunnar í apríl frá bráðabirgðaspá Greiningarinnar sem hljóðaði upp á 0,3%. Það séu vísbendingar um að markaðsverð íbúðarhúsnæðis hafi haldið áfram að hækka undanfarið, og er hækkunartakturinn öllu hraðari en gert var ráð fyrir. Greining telur að reiknuð húsaleiga, sem endurspegli markaðsverð að mestu, hækki um 0,75% í apríl. Að viðbættri hækkun á viðhaldskostnaði vegna samningsbundinnar launahækkunar iðnaðarmanna vegur húsnæðisliður VNV til 0,17% hækkunar. Þessu til viðbótar hafi eldsneytisverð hækkað um 2,5% að jafnaði frá marsmánuði samkvæmt mælingu Greiningarinnar (0,13% í VNV). Einnig bendir verðkönnun til þess að flugfargjöld til útlanda hafi hækkað talsvert þriðja mánuðinn í röð (0,09% í VNV). Samanlagt vega því þessir þrír liðir til 0,4% hækkunar. Aðrir liðir hafa samanlagt áhrif til 0,1% hækkunar í apríl. „Verðbólguhorfur fyrir komandi mánuði eru svipaðar og áður, nema hvað við teljum að hækkun vegna sveiflukenndra liða í apríl muni ganga til baka að hluta í maí. Þannig gerum við t.d. ráð fyrir minni hækkun á flugfargjöldum í maímánuði en við gerðum áður ráð fyrir. Jafnframt reiknum við með að krónutöluhækkanir hins opinbera á áfengi og tóbaki og eldsneyti um síðustu áramót gangi að hluta til baka í maí. Við lækkum því bráðabirgðaspá fyrir maí úr 0,2% í 0,1% hækkun. Eins og áður gerum við ráð fyrir 0,3% hækkun í júní. Loks teljum við að VNV lækki um 0,4% í júlí, og er lækkunin til komin vegna útsöluáhrifa líkt og jafnan í júlímánuði,“ segir í greiningunni. Talið er að miðað við ofangreinda spá muni verðbólga mælast 2,4% í júní mánuði og það sem eftir lifir árs verði verðbólgan áfram á svipuðum slóðum og gerir bankinn ráð fyrir 2,5% verðbólgu í árslok. Þá hafi verðbólguhorfur fyrir næsta ár heldur batnað frá síðustu spá, en Greining gerir ráð fyrir 3,4% verðbólgu yfir árið 2015 í stað 3,7% verðbólgu áður. „Eftir sem áður spáum við hins vegar 3,9% verðbólgu yfir árið 2016. Útlit er því fyrir að meðalverðbólga næstu 3ja ára verði í grennd við 3,6%. Til samanburðar má nefna að verðbólguálag til sex ára á skuldabréfamarkaði (m.v. verðtryggð og óverðtryggð ríkisbréf) er nú 3,6%,“ segir Greining Íslandsbanka. Langtímaspá þeirra byggir á þeim forsendum að íbúðaverð hækki um 5% - 6% á ári hverju, laun taki að hækka hraðar frá og með næsta ári samhliða því að slakinn hverfi úr efnahagslífinu og krónan veikist að jafnaði um 2% - 3% á ári.
Mest lesið „Svo hefst kapphlaupið í það hver er fyrstur að ná sturtunni!“ Atvinnulíf Há laun og dýr bjór séu vandamál ÁTVR Viðskipti innlent Dagar Workplace eru taldir Viðskipti erlent Fyrirtæki hvött til að halda upp á daginn í dag og gera sér dagamun Atvinnulíf Rauf sátt vegna Max-málsins og gæti átt yfir höfði sér refsimál Viðskipti erlent Fyrsta flugi Icelandair til Pittsburgh fagnað Viðskipti Hnífjöfn atkvæðagreiðsla sem gæti endað fyrir dómi Viðskipti innlent Base parking gjaldþrota Viðskipti innlent Segir arðgreiðslur ÁTVR hafa lækkað um 400 milljónir vegna netsölu Viðskipti innlent Snillingur í útlöndum: „Þegar vinirnir keyptu sér nammi keypti ég mér diskókúlur“ Atvinnulíf Fleiri fréttir Há laun og dýr bjór séu vandamál ÁTVR Hnífjöfn atkvæðagreiðsla sem gæti endað fyrir dómi Segir arðgreiðslur ÁTVR hafa lækkað um 400 milljónir vegna netsölu Fóru í fyrsta flugið milli Calgary og Keflavíkurflugvallar Segir að Play sé og verði áfram með höfuðstöðvar á Íslandi Guðmundur tilnefndur til Evrópsku nýsköpunarverðlaunanna 2024 Forstjóri Play íhugar að fljúga frekar til Íslands en frá Base parking gjaldþrota Endurkjörinn formaður og fimm koma ný inn í stjórn Þjónusturof hjá alþjóðlegum birgja Samkaup, Heimkaup og Orkan hefja samrunaviðræður Stefna á opnun fyrsta skammtíma raforkumarkaðarins á næsta ári Bein útsending frá Nýsköpunarviku Sparisjóður hagnaðist um 205 milljónir króna Starfsfólk fær 150 milljónir í hlutabréfum Magnús eignast Latabæ á nýjan leik Ráðin framkvæmdastjóri Rue de Net Almennt útboð Íslandshótela hefst á morgun Ætlar að gera Grillhúsið að heitasta staðnum í Borgarnesi Landsvirkjun selur í fyrsta skipti í raforkukauphöll Ráðin forstöðukona Nýrra orkukosta Eigendur TGI Fridays kaupa Grillhúsið Freyr ráðinn til Eflingar Tilnefndur sem besti leikur fyrir snjalltæki á Norðurlöndum MAST olli Brúneggjum tjóni en RÚV sýknað Tilboðið afturkallað og Eik öðlast frelsi til athafna á ný Brottfarirnar í apríl nokkuð færri en á síðasta ári Engin hópuppsögn í apríl Fer frá Deloitte til Góðra samskipta Mun stýra tæknisviði Carbfix Sjá meira