Bein útsending: Fundur VÍB um Bitcoin

VÍB heldur áhugaverðan fræðslufund um rafmyntina Bitcoin og Vísir sendir út í beinni útsendingu hér að neðan. Fundurinn hefst klukkan 09:00 og stendur til 10:15.

Sveinn Valfells, hagfræðingur og eðlisfræðingur, flytur erindi um myntina þar sem hann útskýrir notkun hennar, miðlun og stefnu og í kjölfarið tekur panell fagmanna þátt í umræðum.

Í panel sitja Martha Eiríksdóttir, sjálfstætt starfandi sérfræðingur í greiðslumiðlun, Eyjólfur Guðmundsson, hagfræðingur CCP og Sverrir Þorvaldsson, framkvæmdastjóri áhættustýringar Íslandsbanka.

Fundarstjóri er Björn Berg Gunnarsson deildarstjóri fræðslu og viðskiptaþróunar VÍB.