Vísitala neysluverðs lækkaði um 0,7 % milli mánaða

Vísitala neysluverðs lækkaði um 0,7 prósent milli mánaða og minnkaði ársverðbólgan um 1,1 prósentustig, úr 4,2 prósent  í 3,1 prósent en Hagfræðideild Landsbankans greinir frá.

Lækkunin var meiri en opinberar spár gerðu ráð fyrir, en þær lágu á bilinu 0,3-0,5 prósent til lækkunar.

Samkvæmt Vinnumarkaðsrannsókn Hagstofunnar var atvinnuleysi 4,5 prósent , atvinnuþátttaka 77 prósent og hlutfall starfandi 77 prósent á 4. ársfjórðungi.

Á árinu 2013 voru 1.938 einkahlutafélög skráð sem er 186 fleiri en á saman tíma fyrir ári.  918 einkahlutafélög voru tekin til gjaldþrotaskipta sem er 194 minna en fyrir ári.

Úrvalsvísitalan lækkaði lítillega í vikunni eða um 0,3 prósent. Hlutabréfaverð Icelandair hækkaði um 2,1 prósent en önnur félög lækkuðu. Mest lækkun varð á hlutabréfaverði Eimskipa eða um 2,8 prósent.

Krónan styrktist lítillega í vikunni á móti evru (EURISK = 156,6; -0,3%). Hins vegar veiktist hún á móti Bandaríkjadal (USDISK = 115,9; +1,0%) og sterlingspundi (GBPISK = 190,5; +0,7%).