Þetta er kynþokkafyllsta kona heims

Tímaritið FHM hefur valið leikkonuna Jennifer Lawrence kynþokkafyllstu konu heims. Er þetta í fyrsta sinn sem Jennifer hreppir þennan heiður hjá tímaritinu sem árlega gerir lista yfir þær konur sem forsvarsmönnum ritsins finnst bjóða af sér mestan kynþokka.

Í fyrra var það leikkonan Mila Kunis sem var talin kynþokkafyllst en aðrir sigurvegarar í gegnum árin eru leikkonan Halle Berry, söngkonan Britney Spears, leikkonan Keira Knightley og leikkonan Megan Fox.

Í öðru sæti á lista ársins 2014 er breska leikkonan Michelle Keegan og í því þriðja er söngkonan Rihanna. Mila Kunis er hins vegar í sjötta sæti.

Aðrar stjörnur á listanum í ár eru til dæmis söngkonan Beyonce, leikkonan Scarlett Johansson og söngkonan Taylor Swift.

Hér er hægt að sjá listann í heild sinni.